Simon Geron
En el Jewish News de esta semana la Rabanit, "Judith Levitan" prezento un artikulo sovre lo ke trata de "Sukkot". Se dize ke despues de "Yamim Noraim" Sukkot viene komo la demanda por Alegria. "Te alegraras en frente del Senyor, Tu Dio por 7 Dias". Despues dize la Torah "V'Samahta Be Hageyha". Las orasiones por esta fiesta referan a Sukkot komo "Zman Simhateynu", la Sezon de Alegria". Aki se demanda la kestion "Komo se puede komandar a una nasion
entera a sentir una emosion? Ke rol djuga la Sukkah en relasion a la Alegria?" Puedemos empezar a responder a estas kestiones segun lo ke esta detras de la natura de la Alegria. Nos da la impression ke esto es liado a una seria de sirkonstansias. Por egzemplo, al Puesto de la Media Sosial ke rien kuando sale el sol en tiempo de una fiesta o en el momento kuando un protagonisto resive un empleo de suenyo ke enkuentra su interes en amor. Pero mirando detras de la kamera el narativo se troka.Kuando se analiza ke es ke kreo estas senas realizamos ke muncho lavoro se fue a esto para krear estos momentos de Alegria. En las Disiplinas de Neurosiensia i psikolojia se indika ke la Alegria tiene ke azer kon el Komporte Intensional i no de esperar en Pasividad para ke vengan las sirkonstansias djustas i para ke salga la emosion. Las Investigasiones mostran ke el kamino el mas fuerte a la Alegria inkluye pasar un tiempo kon djente soportiva i tomar en mano unos aktos de buendad i eksprimir una gratitud a los chikos momentos pozitivos. La savidura Judia konose la Alegria ke no es una emosion. Es el rezultado intensional de una pratika ke integra la gratitud en koneksion kon la Responsabilidad Sosial. La Torah envizaje la Selebrasion en Israel a la venida del otonyo ke trae el frio. Una vez ke la Rekolta se aze, nos vamos afuera deshando atras la seguridad de nuestras kazas i biviendo en las kabinas kon poko techo siendo eksposados a unos elementos. En este espasio de vulnerabilidad devemos ser Alegres.
Kompartimos lo ke no tenemos no solo kon la famiya immediata ma tambien kon djente de la Komunidad. La Mitsvah de la Sukkah nos ensenya una lision. No tenemos menester de asperar para ke vengan las sirkonstansias perfektas para topar Alegria. Tenemos menester de Koraje Espiritual para salir afuera i konnektar kon otros i krear Alegria kuando las Kondisiones son Imperfektas reprezentando un Reto. Bivimos oy en un Mundo de Konflikto jeopolitiko. De una Fragmentasion
Sosial, Volatilidad Ekonomika i de Dezastres Naturales en los 2 lados Global i Lokal. Nuestras Komunidades fueron aharvadas kon Antisemitizmo. Semos muy frajilos i en este mundo la bushkeda de Alegria no es realizable ni es justifikada. Por 7 dias nos sentamos en una struktura temporaria ke ofrese abrigo limitado, komiendo kon otros i esto indika ke se inche este espasio kon luz, konversasion, komidas kompartidas i memorias. "Rambam" nota ke "Simha" es eksprimido a traves la jenerosidad, inklusion i kuido del vulnerable. Se trata de krear las kondisiones de donde puede surjir la Alegria. Kreamos un Entorno donde se komparte la Meza kon otros i se rekonose la frajilidad de la vida. En tiempo de Sukkot bivimos en un Mundo Inseguro en mostrando nuestra gratitud i esperanza. Asi de esta manera se konstruye Resiliensia i Defiensia.
Sukkot nos akodra ke la Alegria no es un lukso rezervado por los momentos de serenidad. Es un instrumento espiritual para yevarnos a traves los tiempos malos.
SAMEAH i MUNCHA ALEGRIA.
