Simon Geron
En el Jewish News de esta semana Rav "Chaim Ingram" prezento un artikolo en la Parashat "VEZOT HA BERAHA". Moshe tenia 120 anyos kuando se murio.
Su ojo derecho no veia bueno i era abatido. Kon la grasia del Dio se disho ke se topava en la mitad de la Dekada Ochena de su vida. No podia oyir komo antes i tenia ke meter gotas diarias en sus ojos, 2 vezes al dia para arrestar la deteriorasion de su vision. Tenia simptomes de Osteo-Artritis, teniendo el kontrol de sus medisinas tratando la presion de sangre, dijestion, densidad de gueso i artritis. A vezes el se sentia komo una farmasia ke kaminava. Pero kada demanyana al alevantarse remersiava el Dio por su kapasidad de kaminar sin dolor.
Tambien por su kapasidad de ver i oyir, sentir, gustarse i kantar. Alavava al Dio por su kapasidad de eskrivir i kompozar kon la aroma del kafe kon el intelekto i la alma ke resivia kada uno siendo uniko. A la fin de kuento era la natura de las kozas de enviejeser i deterioran i Moshe no era una eksepsion a esto. PIRKE AVOT nos da una ekspresion grafika a esta realidad. A los 90, la kavesa de un viejo se abasha basho el pezgo de los anyos. A sus 100, el es komo uno ke se murio i salio de este mundo. Rav Avigdor Miller, pionero del livro "Jewish Ideology: Behold A People" avla de la edad vieja komo "Una Retreta Gradual de la Vida". Segun el la deterioasion fizika i mental da a vezes la posibilidad de tener una parte pozitiva donde le da el derecho de resivir ayudo de la famya i amigos. Siendo muy dependiente de eyos su muerte se aze manko regretavle.
La vejes no es siempre un proseso ke viene sin sus bendisiones. Viniendo de manera avagar se aze un proseso sin kulpa. A vezes se asosia kon la perdida de memoria i dementia. Sovre todo por los ke fueron traumatizados por el Olokosto. Ay un verso en los Psalmos ke trae sudor en la espalda kada vez ke lo resito. Si digo ke mi pie no funsiona "MATA RAGLI" o Dio Sinsero Revivame" [94:18], este Psalmo no era eskrito por la mayoria del Rey David siendo kompozado por Moshe. El kuando kaminava, el suelo se meneava en lugar del otro organo. La palavra REGEL puede indikar "Paso". Are mi kamino lentamente." A la fin, Moshe disho "Kuando el paso se kaye, mi stamina no es lo ke era. Dio sinsero restorame mi paso kon la stamina". Asi Moshe asta sus dias finales de una vida de 120 anyos, el Dio sostenio su paso i vigor, su enerjia i zesto por la vida. Era el Plano del Dio. No era por falta de stamina ni salud fizika ke Moshe no iva dirijir a su puevlo a la Tierra Prometida. Era porke no tenia Permiso Divino de azerlo. [Devarim 31:2]. Moshe estava triste de su destino duro kompensando kon su vigor korporal asta el dia de su muerte. I era bendicho komo su ermano Aaron kon las mas djentiles de muertes. El Bezo Divino donde se kita una ropa i se mete en otra. Por los ke no sufren de las mizmas kozas, tenemos ke dizir "Mi paso i mi stamina se estan kayendo. O Dio, kompensame por la falta". Puedemos todos en kada edad i estado de vida interpretar las palavras de Moshe i darmos korason i esperansa. Pero munchos de nuestros dolores nos van a sostenir komo lo izo Moshe. Nuestros Pasos i Fakultades no pueden ser komo eran. O kisas no ser en fuerza kompleta en viejes. "Kisas tendremos ke enviejeser en paz kon nuestras fakultades aflakadas poko a poko esperando por lo mijor. El Dio solo save lo ke es bueno para nosotros. El tiene Su Plano komo lo tuvo por Moshe. Lo akseptaremos i deshando el malo a El. Dando nuestro puerpo i spirito i nuestra fuersa ke da vidas a El i kontar kada dia nuestras Bendisiones de kada Dia Bendicho en esta Tierra Dorada".
Tradusido por Simon Geron de Sydney.
En sus kaji 90 anyos sufriendo de dolores i inkapasidades.
