TRADUSIDO POR: SIMON GERON / SYDNEY
En estos tiempos pensamos a Yerushalayim ke su statuto es una parte esensial de la Tora. Mos akodramos de las trajedias repetidas del tiempo pasado. Kon el templo en medio de la sivdad se tratava de la Praktika Judia. Mizmo en su estado de destruksion se keda siempre una marka de la vida Judia indo asta la Era Mesianika. Ma Yerushalayim no era la sola sivdad; una otra era TSFAT. El Mierkoles ke viene ke es el 5 dia de MENACHEM AV, reprezenta el aniversario de muerte del Mistiko YITSHAK URIEL konosido komo ARIEL o ARI/Leon en las ensenyansas de la Kabala. Nasido en Yerushalayim en 1534, izo sus estudios de ALAHA i KABALA en Ejipto ande paso muncho tiempo antes de instalarse en Tsfat en 1569. Esta sivdad era developada komo el Sentro de Kabala basho la influensia del famozo Rabi MOSHE CORDEVERO, el RAMAK, Autor del livro PARDES RIMONIM/Guerta de frutas. Ma solamente despues de unos mezes de su yegada, RAMAK se murio i el tuvo ke tomar su lugar en la Komunidad Kabalistika. Malgrado el fakto ke ARIZEL era asosiado a TSFAT, el no avia bivido ayi muncho tiempo, muriendo de una epidemia. Tenia 37 anyos, deshando una legasia tan maraviyoza ke dura asta oy en el Mundo de la Tora. Otra legasia en Tsfat era la identifikasion kon MERON, el lugar ande Rabi SHIMON BAR YOSHAI fue enterrado, serka de Tsfat. Se avia echo un lugar de munchas vijitas ande las ensenyansas de ARIZAL eran la baza del Estudio de la Kabala. Se puede dizir ke el tuvo un impakto grande sovre el Mundo de los Ortodokses. Su version del SIDUR fue adoptado en el Mundo de los Hasidim.
Su tomba en el sementerio viejo basho la sivdad de Tsfat se izo un lugar de pelegrinaje de los Judios viniendo de todas las partes del mundo. Se lavan en la MIKVE en un rio. Tienen 2 kales en Tsfat echas en su nombre. La sinagoga Prinsipal es Sefaradi, nomada ARI ke ramplasa la vieja ke fue destruida por un terremoto en 1837. La Ashkenazi ARI es mas vieja, echa en su memoria. ARIZAL era solamente una de las personalidades grandes del Siglo 16 enterrados en Tsfat. Sus kolegas inkluiyan tambien al Rabi JOSEPH KARO ke eskrivio el livro SHULHAN ARUH, Gia de la Praktika Judia. Avia kompilado su lavoro del komentario BEIT YOSEF de antes ke era ARBA TURIM/4 Pilares echo por Rabi JACOB, ijo de RABEINU ASHER ke bivia en la Vaye del Rhein i en Espanya un siglo antes. Sentia la nesesidad de krear un livro mas fasil a entender. Oy mizmo tenemos el uzo del SHULHAN ARUH. Siendo de Orijin Espanyol, segia la kostumbre Sefaradi. Rabi MOSES ISERLES de KRAKOW kompilo el Ashkenazi. Si el modelo en komun era el de ARIZAL, el era de la jenerasion de JOSEPH KARO, RAV i DAYAN. El BAAL HA TEFILA era Rabi SHLOMO HALEVI ALKABETS kon su legasia LEHA DODI. Los Mistikos veiyan esto komo la ERA DE SHABAT/Deskanso kompleto, ke vendria despues de 6000 anyos de egzistensia en el mundo.
De verdad es difisil topar una aldea de la komunidad Judia desde la Era del Talmud ke tenia personalidades diversas i ke avian deshado la marka sovre la vida Judia por siglos i siglos despues.
