Alp Etensel
En lunes tuvimos el plazer de enkontrarmos kon Carlos Yebra López ke es profesor asistante de linguistika espanyola en California State University, Fullerton. Izimos un proyekto ke duro tres diyas. El primer diya Sinyor Nesim Bencuya mos mostro las sinagogas i mos konto la istorya de las sinagogas. Despues, empezimos a azer los roportajes. En el primer dya, izimos dos roportajes: Daryo Hazan, ke tyene 95 anyos i yeno de vida, esta bivyendo en Karatash. I Alberto Hazan, ke es unos kuantos de djudyos ke estan bivyendo en Urla.
Al segundo diya, izimos munchos roportajes. Por esto, mersi muncho a Yusuf Azulay, Ester Israel, Levana Levi, Sarit Bonfil, i a Ester Franko.
En el treser diya, fuimos a Cheshme, en un otel, por azer la promosyon del livro ke se yama “Ladino on the Internet” ke es eskrito por Sinyor Carlos. Puedes topar este livro en internet, ke es gratis. Aya, en Cheshme, Sinyor Carlos respondyo a las demandas de las personas ke estan bivyendo en Izmir, de la komunita djudiya. Tambien akel diya izimos syete roportajes kon Sara Enrikez, Sara Pardo, Selim Şlomo Celardin, Mahir Şaul, Klodin Levi, Naomi Amado i Yıldız Erinç. En todos los roportajes, todas las personas mos dyeron borekitas, kafe, i biskochikos, ke son kozina tradisyonal Sefaradi. Kreygo ke estos roportajes son muy importantes por la dokumentasyon del Ladino en Izmir, i tambyen por la dokumentasyon del diyalekto de Ladino en Izmir. Yo vo a eskrivir un otro artikolo sovre esto.
Kero dizir mersi muncho al Sinyor Carlos, ke vino a Izmir, i mos onoro. I tambyen a Ceki Hazan, ke organizo todo, kon una muy grande pasensya.
