Avram Mizrahi
Ladino, en Judyo komo lo yamava mi Nona ke este en Gan Eden, es el Robin Hood de las linguas rikas i de las linguas kon mankuras.
No amostra ninguna demanda para tomar un musafir muevo a kaza, les da kama i dezayuno debaldes, sin estrachearse, de ande viyene esta palavra estranjera. En egzempiyo; dainda no aviya el uzo de la palavra tenedor, se toma de la lingua grega la palavra piron, i kuando en el kavzo de la palavra sandía, se toma la palavra de la lingua turka, karpuz i ansi kuando la palavra domingo le puncha, esta vez de la lingua araba, alhad.
Kuando demandan a un avlador de Ladino, kuantas linguas konoses, la repuesta es; diez linguas, todas en Ladino.
