Shelah Leha

Rav Yeuda ADONİ Judeo-Espanyol
22 Haziran 2022 Çarşamba

El puevlo Djudyo arivo al luguar nombrado, Kodesh Barneo en los kavos del dizyerto de ‘Paran’. Arivando a este lugar, ya estavan muy serka de la tierra prometida. En un kurto tyempo, ya puedian entrar a la tyerra de Kenaan, la tyerra prometida del Kriyador i Moshe Rabenu, por konsolar al puevlo, les dize: “Ermanos miyos, ya vos aserkatesh a el lugar ke nos prometyo El Kriyador. Mirad ke vuestro Kriyador, yo vos apronto la tyerra delantre vozotros; suvid i apatronadvos de eya sigun la veluntad del Kriyador sin myedo ni espanto de nada”.

Malorozamente el puevlo de akel tyempo no meresyo gozar de la tyerra bendicha i por sus mal konporto se deperdyeron i muryeron todos en akel dizyerto.

Las Djudyos sintyendo estas palavras de Moshe Rabenu, las entendyeron trokadas i pensan ke por endelantre no van a tener mas protejador. I es ke kon sus fuersa i entelijensa tyenen ke sudjiguar la tyerra prometida. Sovre esto, se van todos sin regla ni respekto onde Moshe Rabenu i le dizen ke keren mandar eyos personas a esta tyerra, para ke eskulken i veyan i ke les avizen kual es el kamino ke van a tomar i kualas son la sivdades ke van a sudjiguar i se olvidan enteramente ke Moshe Rabenu, sus pastor fidel esta kon eyos, i ke esto todo no apartyene a eyos de pensarlo.

El Todo Poderozo topa konvinivle sigun su alto saver de no defenderles esta demanda, i le dyo orden a Moshe Rabenu de desharlos azer su veluntad, solamente ke le enkomendo ke mandara dodje personas onoradas, kaveseras del puevlo, uno de kada trivo, i ko no fueran djente ordinarya, i le enkomendo ke la repuesta i lo ke van a ver ke se lo digan a Moshe Rabenu i ke entyendan ke el es sus kapo i rijidor.

Moshe Rabenu izo el komando del Todo Poderozo i tomo dodje personas, una de kada trivo, i las mando a la tyerra de Kenaan dizyendoles ke eskulkaran la tyerra en todos sus raportos, si es buena su klima o no. I la djente de ayi ke manera son, si son fuertes o flakos, pokos o munchos i las sivdades ke moran si son enkastelyador o son avyertas. I les dyo a entender la direksyon ke tyenen ke tomar.

Los eskulkadores aparte de Kalev ben Yefune i Yeoshua bin Nun, los dyes eskulkadores dyeron un roporto desfavoravle, i kavzaron ke el puevlo djudyo kedaran en el dizyerto 40 anyos.

 

Siz de yorumunuzu yapın

Tüm Yorumları Görün

İLGİLİ HABERLER

İLGİNİZİ ÇEKEBİLİR