Silva Filiba
Kuantos AMANES pasaron
Ke de las alturas abasharon
Kuantos AMALEKES mos amargaron
Ke komo el polvo se bolaron
Kuantas gloryas se amataron
Ke en la istorya se olvidaron
Kuantos reynados se destruyeron
Kuantos imperios se esparesyeron
****
El ke paresiya pedrido
I de la tierra desparesido
Sus PURIMES siempre fiestara
La megila de ESTER meldara
De los mirakulos se akodrara
I kon bueno se alegrara
Alavando a su SALVADOR
El Santo BENDICHO KRIYADOR
