Süzet Herman
Mi eshuegro era Bursali. El morava en una malle de djudyos, ande el kasap, el manav, el kuzendero eran djudyos. Los turkos diziyan por esta kaye “chifut mahallesi”.
Las fiestas djudiyas se sintiyan muncho, porke los aparejos no eskapavan. Indimas Pesah! Empleyos i empleyos. Ya se empleyo todo, las prasas, las espinakas, los pishkados, el kodrero, mas i mas.
En supito la tiya Rozucha se penso ke noche de Pesah van a ser 20 personas en la meza. I ke lo ke esta aparejando no le va abastar. Avyo la ventana de kaza. Se aparo por la ventana, i en gritando de huersa, yamo al kasap.
- Kasap! Kasap!
Salyo ahuera de la botikita el empiegado Ali.
La sinyora Rozucha devia de avlarle en turko porke el empiyegado no la iva entender. I le disho: “Uğlum, bana bir tağuk yetir. Ama Yahudi olsun”!
