CEM MANSUR i los Konsertos de CRR

La semana pasada en la shena de "Harbiye Açıkhava Sahnesi", el shefe CEM MANSUR dirijo la CRR Senfoni Orkestrası, kon "Masallar". La solista, Hale Soner Kekeç, kantadera de opera, es bien reputada en Evropa.

Esti SAUL Judeo-Espanyol
29 Eylül 2021 Çarşamba

Cem Mansur nasio en Estambol en 1957. Es inyeto de Ali Mansur Pasha, governador otomano de Yafa, agora sivdad de Israel, i ijo de Ali Mansur i Jacqueline Mansur, una mujer de orijen ashkenazi. Estudio en City University de Londra, despues en Guildhall School of Music & Drama.

Cem Mansur es un artisto ke tiene la komunikasion i relasion kon diferentes sentros de muzika klasika.

Lo apresiamos, desde dos anyos, komo Direktor de Arte i koordinator de los programes de Cemal Reşit Rey Konser Salonu.

Fondio un importante projekto: "TÜRKIYE GENÇLİK FİLARMONİ ORKESTRASI”. Este grupo es mondialmente konosido. 

Eduko munchos solistos.

En Turkiya, los amantes ke frekuentan los konsertos son auzados i apresian Cem, ke a kada konserto prezenta temas kreativos.

Supo krear una "ekol" proprio a si.

Saver kontar en shena, la istoria sovre kada ovra, kompozision, es un merito inkomparavle.

No mankamos de apresiar tambien las anekdotas kontadas. Es una komunikasion intima entre el i mozos, los spektatores i la muzika.

Sin olvidar ke, si este grupo es prezente, "UN SOLO" importante mos konta la istoria del INSTRUMENTO de muzika tambien.

Ansi el profesor mos mete al koriente de la orkestra...

Cem Mansur, la semana pasada, en "Masallar”, ensenyo a los spektatores i muzikologes, los sekretos (detras de la shena) de munchas melodiyas.

.

Cem Mansur mos anunsio una koza ke fue una sorpreza: Sus programes seran prezentadas en los salones de İBB-CRR (Cemal Reşit Rey Konser Salonu), kon su akustika natural.

Un grande rengrasio a CEM MANSUR, ke mos alegra.

UN PROGRAM RIKO MOS ASPERA EN EL MEZ DE OKTOBRE.

Keridos lektores, vos sueto diyas agradavles...

Siz de yorumunuzu yapın

Tüm Yorumları Görün