27 Ocak 2022 Perşembe 21:21
DELFIN DEKORASYON
DELFIN DEKORASYON

UN PROYEKTO REUSHIDO

Şeli GAON Judeo-Espanyol 1792 görüntüleme
17 Kasım 2021 Çarşamba

Matilda, ke es una vyeja prizonyera empesa a lavorar en un bar muy konosido en los anyos 1955 para pueder topar i kontaktar a

su ija.

La ija de Matilda, Rachel, no es konsyente de la egzistensya de su madre. Matilda dezea tener buenas relasyones kon su ija, ma esto es muy difisil porke la ija se engrandesyo en un orfelinato i tyene un karakter revoltada por kavza ke no se engrandesyo kon padre i madre.

Matilda, kuando salyo de la prizon, por pueder topar su ija, vijita el haham. Ma, malorozamente el destino de Matilda esta en las manos del direktor del bar ke se yama “Çelebi”, ke kere tomar vengansa de Matilda. Rachel tyene relasyones kon el vagabondo de la maalle i lo kere byen. Kuando la madre se ambeza esto, le embarasa muncho i le dize a su ija de pensar kon klaredad sovre este sujeto. Rachel kere saver ken es su padre en pozando munchas kestyones a su madre.

              Este filmo tyene por sujeto la vida de los djudyos ke biviyan en la Kula, en Pera en los anyos 1950… Siguramente akel tyempo “Pera” era un lugar luksuozo ande las mujeres saliyan a kaminar kon chapeyos, guantes, vistidas de una manera muy elegantes ke aziya plazer de verlas. Lo ke se oyiya avlar era en ladino, en grego, en ermenesko, en fransez i otras linguas de las minoridades ke biviyan en Estambol.

               Matilda Asseo era la ija de un grande merkader Salamon Asseo ke peryo todo su pueder materyal en el “Varlık Vergisi”.

La emportansa de esta seria del filmo “Klub” es ke estan metyendo en shena todo lo ke se paso en los anyos 1945-1955 para todas las minoridades; los tyempos difisiles i sovre todo para los djudyos, de una manera muy djusta.

Tomaron konsultantes djudyos para ambezar el ladino, para ambezar los ritueles de los djudyos komo el shabbat, las fyestas, las komidas, el komporto, las bodas i munchos otros detalyos.

Mizmo ke sus rolos eran muy kurtos aviya munchos artistos djudyos sovre todo la ekipa del moadon “Dostluk” ke era el mijor sovre los teatros kon artistos volontaryos fina los anyos 2010.

              Este filmo es muy emportante sovre el punto de vista ke esta kontando la vida de los djudyos sefaradis ke bivyeron en estas rejyones, avlando en ladino en las kayes sin dingun espanto.

Todos puediyan entrar a las orasyones de las sinagogas “Neve-Shalom”, “Zulfaris”, todo era permetido. No es komo oy ke ay puertas i puertas, por seguridad siguramente.

               Yo mizmo nasi en la Kula i fina el anyo 1965 bivi en el apartamento istoriko “Frej Han”. Todos eran djudyos, las famiyas, los vendedores, las eskolas, ets… Mizmo en Pera aviya munchos magazenes ke los patrones eran djudyos. Todos biviyan komo ermanos, los vizinos de relijyones i kulturas diferentes. Nunka no aviya apartasyon entre eyos. Ma, una manseva  no se puediya kazar kon un mansevo de relijyon diferente. Esto era una regla strikta ke malorozamente oy ya peryimos kaji sinkuenta por syen.

                 Kero felisitar todos los artistos ke djugaron, i sovre todo la grande artista “Forti Barokas” ke djuga i eskrive munchos teatros komo volontarya, “Karen Şarhon” ke es la koordinadora del sentro sefaradi i del ladino i mos motiva para eskrivir en esta lingua presyoza, el grande artisto, muzisyen, el shef de orkestra, el duayen del teatro djudyo ke tyene un koro kreado de las kriyaturas i un koro de mujeres “İzzet Bana”.

                 Vos esto felisitando de aryento mi korason, i esto dezeyando reushitades grandes en el avenir.

“BRAVO,  BRAVO,  BRAVO” a todos vozotros…

            

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

Şalom TV Şalom Spotify'da GZ

TÜNELİN UCU - İzel Rozental

TÜNELİN UCU - İzel Rozental