6 Mayıs 2021 Perşembe 01:32
Zen Poliklinik 1 nolu alan
Zen Poliklinik 1 nolu alan

MADAM FİLİBA

Forti BAROKAS Judeo-Espanyol 6286 görüntüleme Sesli Dinle
17 Mart 2021 Çarşamba
En los roles ke djugi en estos 35 anyos, entri en munchos karakteres, seya komedya seya trajedya seya drama. Atorgare lo mas ke tomi plazer fueron rolos de istoryas de vidas reel i de mujeres korajozas. Komo Sarah Bernhard, komo Donna Gracia Nasi, Golda Meir, Irena Sendler etc. En djugando sus vidas kedi kuryoza komo una mujer puede parvinir a fondar un teatro, komo una mujer puede fondar un pais i otra puede salvar 2500 kriaturas de los kampos de konsantrasyon en no syendo djudia. Ma el proverbo dize: “Kuando una mujer se mete a la kavesa una idea, mijor es kortarle la kavesa ke kitarle la idea.” 
Agora vos va avlar de una mujer no solo korajoza, ma ke da luz ke informa i aklara munchas mujeres kon su saverisyo, kon su sensya kon sus egzemplos, kurto una biblioteka biva, de SYLVA FİLİBA, ke todos la konosemos por MADAM FİLİBA.
Munchos anyos antes tuve el onor de ser su vizina  i fui testigo de verla kada diya, luvya, inyeve, friyo, kalor indose a partajar su sensya kon grande plazer i pasensya. No ay ken no la admire. Una de eyas es mi ermana Çela ke la admira i partaja sus eskritas maraviyozas. En pasadas me vino al mesaje unas de sus eskritas en turko i tanto me plazyo ke las traduizi i kon su permisyon las va partajar en resumen.


                                         TU BISHVAT

Oy en diya la umanidad se esta machukando por los problemes ekolojikos. Puedemos entender de la Tora eskrito antes 33 siglos, komo mozos, las personas destruimos la natura por no aplikar las reglas.

Deskansar la tyerra, protejar las verduras i los arvoles es un dover ma mozos ensuzyimos las mares en echando syerkol, konsumimos las plantas i los animales i rovimos la erensya de muestros desendyentes.

TU BISHVAT mos da un mesaje muy espesyal. Los arvoles no se plantan solo en la tyerra, se plantan tanbyen en muestra alma. Por esto kale sembrar en los puerpos i almas de los ijos las plantas de la Tora, esta manera kuando estan leshos de sus famiyas, mezmo en todas difikultades, estas plantas se van a enfloreser i va kreser arvolikos de tradisyones. Esta manera vamos a kultivar muestra garantiya i esta manera kontinuara muestra egzistensya.

 

                                               EL MEZ DE ADAR
El 7 del mez de Adar es el diya de “rekuerdo de los soldados deskonosidos”.
En esta data se aze orasyones i seremoniyas komemorativas en sinagogas i simiteryos militares.
Sigun muestros rabinos el 7 adar es la muerte de Moshe Rabenu ke no se save el lugar de su tomba, esto lo meldamos en el livro Devarim en la perasha de alkavo. Dyo le mostra de leshos las tyerras santas ke no vido nunka los montes de inyeve de Hermon, las verduras de Galile i la ermozura de Hebron. Un diya 
despues, su puevlo, kon el giador Yeshua salyeron a kamino i empeso el viaje de konkista a las tyerras prometidas.
33 siglos paso, Moshe syempre kamina delantre de mozotros. Kada vez ke alevantamos el Sefertora i dizimos “zot a tora” Moshe esta delantre de mozos i esta kontinuando a mostrarmos el kamino de luz de la Tora.
 SYLVA FİLİBA, ke bivas munchos anyos kon sanedad, syempre ke mos alelumbres kon tu luz. 
 
 

   

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

MOZOTROS AİLESİ

MOZOTROS AİLESİ

TÜNELİN UCU

TÜNELİN UCU