18 Nisan 2021 Pazar 11:04
Beymen 5-20Nisan
Beymen 5-20Nisan

Dia Internasional del Ladino/Judeo-Espanyol de Estambol

Forti BAROKAS Judeo-Espanyol 1117 görüntüleme
24 Şubat 2021 Çarşamba

Dia de alhad, el 21 febrero a las oras 16:00-19:00, eskapimos otrun dia internasyonal del ladino. Veramente estavamos muy preokupados porke por primera vez ke ivamos azer una aktividad semejante en el zoom.  En el entervalo de esta pandemiya vimos miles de programes en zoom ma un program de tres oras sin kedar, komo se iva realizar? No solo konferensyas, kijimos ke seya alegre kon kantikas i kijimos siguro tener un teatro. Teatro en zoom komo? Kerer es poder. En primero eskrivi el senaryo, izimos unas kuantas reunyones de meldar en zoom siguro, despues Rina Muraben mos dyo esta idea de travarlo al filmo. Para travar el filmo kale ke mos reunemos, demandimos kon espanto a uno a uno si keren vinir un dia a un lokal. Todos voluntaryos akseptaron sin demandar sigunda vez. Desidimos ke un Alhad lo puedemos ralizar. Ee, Alhad no ay permision de salir a la kaye. Para todo ay remedyo, orozamente ke tenemos un prezidente komo SİLVYO OVADYA, muy kapache, de vista mos tomo permisyon a todos los djugadores i al ekipo teknik, kaji 25 almas. Entervalo izimos provas dos vezes a la semana en zoom i al 7 febrero mos fuimos al teatro ALMELEK SANAT para travar el filmo. Kon la alegriya i kon la enerjiya pozitif del grupo, de vermos en bivo, ke ya aviya kaji un anyo ke no mos viyamos, mos se izo mas fasil de lo ke pensimos. El ekipo teknik kon el direktor FERİT KOEN se fueron a las ocho de la demanyana, montaron las kameras, dirijeron las luzes fin ke vinimos mozos a las dyes i medya. I empesimos a djugar kon eskarinyo de la shena. No mos deranjo de azer una shena vente vezes, digamos ya estamos auzados a repetar syen vezes un byervo. A las 6 i medya de la tadre kansados ama orozos de parvinir a un primero. Un grande abraso a Karen Sarhon ke alegro el djugo kon sus kantikas, a Natan Siliki kon sus orasyones, a Rina Muraben por su idea famosa, a Ferit Koen por su pasensya i siguro al grupo de Teatro AMIGOS PARA SYEMPRE ke realizaron mi iluzyon.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR

GZ

TÜNELİN UCU

TÜNELİN UCU

MOZOTROS AİLESİ

MOZOTROS AİLESİ