12 Ağustos 2020 Çarşamba 14:59

Ya Basta de Polises

Judeo-Espanyol 4911 görüntüleme
1 Temmuz 2020 Çarşamba

En muestra kultura, tenemos el tipo, “Doktor de Mata Sanos”. El dize ke te va kurar ma en realidad sus kuras son venenozas. Es la misma situasyon kon los polises. Supozamos ke los polises mos protejan i mos guadran kontra kriminales i personas danjerozos. Grasyas a las kameras de muestros telefonos intelijentes, mos rendimos kuento ke esta idea es totalmente falsa. El sistema de (in)djustisya kriminal krea kriminales de personas proves i espesialmente de los ke son marjinales komo los imigrantes, los pretos, i otros. Alora los polises se konvierten a soldados ke gerrean kontra inosentes. 

Vimos los videos de polises ke mataron a George Floyd i munchos otros en la Amerika. Vimos atakes kontra demonstradores kon arabas en varias sivdades. Vimos videos de muestro pais de polises ke tratan malo a personas sin kausa en Rodosto i Urfa. Konosemos la istoria de los polises ke mataron un mansevo de Siria en Adana durante la karantina.

Los protestos kontra la violensia de los polises en Amerika agora estan diferentes de los de 2014/5 o de 1994 porke ay una demanda klara: anular los departamentos de polisia. El movimiento de “Las Vidas Pretas Importan”, en todas partes de la Amerika demanda una amenguamiento grande de budjetos de la polisia. Las reformas no funksiyonaron – las formasyones, la superintendensiya, la teknolojia no reusheron. Las reformas son superfisyales i no trokan los relasyones iniguales entre sivdadanos i los ajanes de violensia. Kaji kada diya en Amerika, un polis mata una persona, munchas vezes un mansevo Afro-Amerikano.

Esta idea, de anular la institusiyon de polisiya no es mueva ma es una idea ‘konvansiyonal’ i posivle por la primera vez. La abolisyon es un proseso de imajinar una sosyeta totalmente diferente, sin asesinos en uniformas kon armas en muestras kayes, sin zindanes, i kon una konsepsiyon profundamente transformada de krimen i seguridad. Savemos ke los polises no van a desapareser durante una nochada. Tenemos menester de rezolver los orijenes de kondukta ke es konsiderada ‘kriminal.’ En la mayoria de kavzos, los orijines son el prove i las enfermedades mentales. Tampoko se puede tratar kon zindanes o armas o polises. Kuando trokamos estas kavzas profundas vamos a entender ke una sosyedad de violensia del estado no es absurda i reelmente danyoza. Este proseso de trokar, analizar, trokar mas, reanalizar, i finalmente transformar es el proseso de abolisyon. 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİLİ HABERLER

İLGİNİZİ ÇEKEBİLİR