21 Nisan 2021 Çarşamba 22:58
Now Hair Time

Ki Tisa

Rav Yeuda ADONİ Köşe Yazısı
11 Mart 2020 Çarşamba

Moshe Rabenu suvyo a la punta del monte de Sinay. El puevlo lo estavan asperando, la ora ke el iva tornar syendo no les aviso la tornada kuando va ser. Moshe Rabenu estuvo en el monte de Sinay 40 diyas. El kuarenten diya era el 17 de el mez de Tamuz. El puevlo se desespero i les paresyo ke Moshe Rabenu muryo syendo no tomo kon el ninguna koza de mantenimyento. I viyan ke no abashava la magna kada diya en el monte de Sinay. Sovre esto se rekojeron todos i vinyeron delantre de Aaron Akoen dizyendole ke les aga un dyo, para ke kamine delantre de eyos syendo Moshe Rabenu fue el ke los kito del Ejipto, no saven ke es de el, le akonteseriya algun dezastre.

Aaron Akoen, ermano de Moshe Rabenu vyendo el estado de el puevlo, i lo ke demandavan era imposivle de azerlo, kijo ganar tyempo, porke el ya estava siguro ke Moshe Rabenu ya iva tornar, dize ke traygan todos los orejales de oro de sus mujeres i kreaturas. Aaron Akoen penso ke las mujeres i las kreaturas no van a dar sus djoyas. Ma la djente ajena ke eran auzados a la idolatriya no tadraron de dar sus djoyas.

Aaron Akoen tomo el oro i lo metyo en la lumbre i salyo una forma de un bezero. La djente ke vyeron esta forma de el bezero, se fueron detras de sus vanas kreyensas.

Aaron Akoen vyendo este dezastre, kijo afalagar a el puevlo.

A la demanyana uvo un grande dezorden entre el puevlo. Moshe Rabenu, i el Kriyador se ensanyaron a este estado de el puevlo.

Moshe Rabenu ke amava muncho a el puevlo djudyo roga a el Dyo santo de repintirse de su ravya kon el puevlo djudyo, por amor de Avraam, Yitshak i Yaakov, i tambyen ke no topen de avlar los puevlos ajenos. El Dyo santo kon su buendad se arepyente de su ravya i perdona a el puevlo djudyo.

 

 

 

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİNİZİ ÇEKEBİLİR

GZ

TÜNELİN UCU

TÜNELİN UCU

MOZOTROS AİLESİ

MOZOTROS AİLESİ