20 Nisan 2021 Salı 12:31
Beymen 5-20Nisan
Beymen 5-20Nisan

TETSAVE

Rav Yeuda ADONİ Köşe Yazısı
4 Mart 2020 Çarşamba

Ansi empesa la perasha: I tu enkomendaras a los ijos de Israel ke te tomen azeyte de oliva, klara, majada, para arelumbrar el kandil de kontino.

La almenera (Menora) ke se topava en el santuvaryo sembolizava la Tora. Shelomo Ameleh en el livro de Mishle, asemeja la kandela a las enkomendansas i a la Tora a la luz. I la sensya es una luz. Komo lo eksplika el savyo Shelomo Ameleh en el livro “Koeles”, la sensya de el ombre arelumbra sus fases. La persona ke estudya i kompra la sensya, sus ojos briyan. La sensya de la Tora es klara i arelumbra los ojos. La menorah (la almenara) ke se topava en el santuvaryo, dava santedad i fineza a el puevlo djudyo. Tambien un mantenimyento sin rejisto ni verguensa.

No es fasil de alkansar i komprar la ley i el mantenimyento. Deve de azer la persona muncho esforso, a alkansar estas vertudes. Si la persona dize: Lazdri muncho i no pude alkansar no te kreyas. I tambien: no lazdri i alkansi, no te kreyas. Para alkansar a el estudyo de la Tora, i el mantenimyento deve de azer el ombre muncho esforso. Komo lo meldamos en Pirke Avot, aparejate a ti mismo a el estudyo de la Tora por ke mismo a el estudyo de la Tora: porke no es una erensya. La Tora demanda de nozotros, lazerya i esforsos. Por el mantenimyento de la persona dize la Tora, kon la sudor de tu frente komeras el pan. En el livro de Iyov, meldamos la persona nasyo por penar. Por el estudyo de la Tora, deve el ombre penar kon todo su korason i kon toda su alma. Por su mantenimyento deve penar sigun su menester. Komo meldamos en el livro de Teilim kuando komeras kon lazerya de tus manos, bien aventurado tu i bien a ti. En la vida ay menesteres, de la ley i el lavoro.

Komo meldamos en los perakim, la ley i el lavoro tura a la persona del pekado. En la perasha de Behukotay meldamos, “si en mis fueros andera”. Rashi eksplika este verseto dizyendo: ke estudyes mi ley. En la Tora meldamos, sesh dias azeras tu lavoro, i kompletaras todo tu echo por alkansar a el diya de Shabat, i entermeterte kon santedad a el estudyo de la Tora. En el Talmud dize: no asemeja meldar un teksto 100 vezes o 101vez. Ya egziste lazerya sin kanserya; si la persona pena para alkansar a un buto, i el buto ke kere alkansar es un buto, sakro, no konsyente la persona una kanserya.

Los ke esperan a el Kriyador se inchen de fuersa, korren i no se Kansan, andan i no se kansan.

La luz de la Ley syempre ke nos arelumbre.

 

 

 

 

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİNİZİ ÇEKEBİLİR

GZ

TÜNELİN UCU

TÜNELİN UCU

MOZOTROS AİLESİ

MOZOTROS AİLESİ