20 Eylül 2021 Pazartesi 12:10
izmir marriot
izmir marriot

Vayashev

Rav Yeuda ADONİ Köşe Yazısı
18 Aralık 2019 Çarşamba

Entre todos los ijos de Yaakov, el mas savyo i entelijente de todos era Yosef, el primer ijo de Rahel, i su padre, seya por su entelijensa, seya porke era regalado de su madre lo amava i lo akerensyava del fondo de su korason mas ke a todos sus ermanos, i en sinyal de su amistad le izo una kamiza de una ropa muy fina i muy ermoza, lo ke no izo a ninguno de sus ijos.

Vyendo esto, los ermanos de Yosef entraron en selo kon Yosef, i lo aboresyeron muy muncho. Yosef, aun ke era muy savyo i entelijente, syendo ke era muy mansevo, se konteniya un poko sovre sus ermanos vyendo de una parte ke el era mas entelijente ke eyos i de otra parte la amistad ke le mostrava su padre mas ke todos sus ermanos.

En este enterval, se sonyo Yosef dos suenyos, los kualos demostravan ke el teniya ke ser sinyor i podestador de sus ermanos, i el no se travo de kontarlo a su padre i a sus ermanos.

Este konporto de Yosef no izo mas ke pujar el selo i la aboresyon de sus ermanos kon el. Un diya estando los ijos de Yaakov pasentando sus ovejas en Shehem komo sus uzo, kedaron mas tadre en el kampo, i no vinyeron a kaza en su ora. Yaakov pensando no seya ke uvo de nuevo alguna rebuelta kon la djente de Shehem, le dize a Yosef ke vaya a traerle enformasyones.

Yosef aun ke ya saviya ke sus ermanos lo aboresiyan, no refuzo el komando de un padre i se fue para Shehem.

Sus ermanos ke lo vyeron de leshos vinir solo onde eyos, les pujo mas akeya ora el selo i la aboresyon, se determinaron de kitarlo del mundo.

Sovre el konsejo de Reuven, uno de los ermanos, de no matarlo kon sus manos, lo echaron a un pozo ondo, vaziyo ke aviya en akel kampo. Despues de deznudarlo i kitarle la kamiza fina ke le izo su padre, en sinyal de su amistad, i todos los yoros i rogativos de Yosef a sus ermanos fue sin ningun provecho.

Estando Yosef en el pozo paso por ai merkadores ke vinian de Midyan i los ermanos lo venden a Yosef, i lo yevan a el Ejipto.

 

 

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİNİZİ ÇEKEBİLİR

Şalom TV GZ

TÜNELİN UCU - İzel Rozental

TÜNELİN UCU - İzel Rozental

MOZOTROS AİLESİ - İrvin Mandel

MOZOTROS AİLESİ - İrvin Mandel