6 Ağustos 2020 Perşembe 16:49

Vayishlah

Rav Yeuda ADONİ Köşe Yazısı
11 Aralık 2019 Çarşamba

Yaakov mando mesajeros onde Esav su ermano kon unas palavras muy tyernas, dandole a saver las fuertes fatigas ke tuvo en sus 20 anyos de sirvisyo onde Lavan i ke agora lo engrasyo el Kriyador i es patron de kualker koza, i le roga ke se olvide todo lo pasado i ke seya su amigo por endelantre i komo estas palavras ke azen ablandar el korason mas duro.

Los mesajeros izyeron el komando de Yaakov i fueron a punto onde Esav i le disheron las palavras de Yaakov. Esav no kijo ni menos sintir sus palavras i se ensanyo mas muncho kon su ermano. Sintyendo Yaakov esto, se apronto para todo. En primero roga al Dyo ke esta en su ayuda sigun se lo prometyo, i ke lo eskaape de Esav, su ermano i despues divizo todo su fonsado en dos partes i aparejo un prezente grande de ovejas i kuatropeas por darle a su ermano. I lo reglo de buena manera a ke se le inchera el ojo de Esav. I a media noche izo pasar todo su fonsado a la otra parte del Rio Yabok i a la manyana kontinuo su kamino. Serka el medio diya, ve Yaakov de enfrente a Esav kon su konpanya ke vyenen a su enkontro, alora  se apresura Yaakov i pasa delantre todo su fonsado, se omiyo i se enkorvo delantre su ermano kon muncho respekto.

Entonses se troko la idea de Esav i se ablando su korason, i koryo al enkontro de Yaakov i lo abrazo i lo bezo, i yoraron todos de alegriya. I enprezento Yaakov todo akel dono ke aparejo por el i a todo su konpanya les dyo munchos regalos i plata i oro. En akel mismo diya torno Esav a su kamino a Seir, i Yaakov kontinuo su kamino para la tyerra de Kenaan i arivo a el lugar nombrado Sukot ke es serka del Yarden i fragua ai kaza para morar i lugares para su ganado.

 

 

 

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın

İLGİNİZİ ÇEKEBİLİR

gazete sayfası

Tünelin Ucu-İzel ROZENTAL

Tünelin Ucu-İzel ROZENTAL