Pinehas

Rav Yeuda ADONİ Köşe Yazısı
24 Temmuz 2019 Çarşamba

Ansi avlo el Kriyador a Moshe: Pinehas ijo de Elazar, ijo de Aaron Akoen, izo tornar mi sanya, de los ijos de Israel zelando mi zelo entre eyos i no konsumi a los ijos de Israel en mi zelo. Portanto de mi firmamyento de paz  tendra el, i su semen despues de el firmamyento de keuna para syempre.

Ansi enpesa la perasha de Pinehas; el puevlo djudyo serkandose a el Yarden pozaron en un lugar nombrado Shitim. Los moavim vyendo ke los ijos de Israel no pensaron de gerrear kon eyos, se aserkaron a los djudyos, sovre el konsejo de Bilam ke les dyo a saver, ke lo ke se puede venser este puevlo djudyo, es kuando reveyan i pasan el komando de el Kriyador. Izyeron todo su posivle por azer trazyerar a los djudyos. I ke kovdisyaran en sus ijas i su mujeres de los moavim. Malorozamente el puevlo djudyo se desho venser de su negra apetite. I se trezyerraron en este partikular, i no mankaron ke sirvyeron i adoraron tambien a sus idolos, el Kriyador mando una mortaldad entre el puevlo i muryeron vente i kuatro mil personas. En el tyempo ke estava el puevlo atristado, tuvo la ozadiya, un syerto Zimri del trivo de Shimon, i tomo una ija de un grande personaje de Midyan i se la yavo kon un deskaramyento, delantre de Moshe i todo Israel, en la ora ke todas estavan yorando, ninguno no tuvyeron el koraje de azer nada a este akto. Un syerto personaje nombrado Pinehas, ijo de Elazar, ijo de Aaron Akohen zelo sovre esto desgrasya i mato kon una lansa i mato a Zimri i a Kozbi bat Tsur. Grasyas a Pinehas ke al punto kedo la mortaldad. I el Kriyador le dyo su renkonpensa a Pinehas. I lo desho bivir munchos anyos. I le dyo la keuna gedola a su semen.

 

 

Siz de yorumunuzu yapın

Tüm Yorumları Görün