Simon Geron
Es ke se kree en el Judaizmo ke antes ke la alma se abasha, puede eskojer a ken ser nasido? Rabbi ARON MOSS ke prezento este artikulo disho ke es una idea buena de dizir ke unos eskojen a sus parientes. Kreditamos a nuestros parientes por kualo somos i les damos la kulpa por muestros problemes. Lo ke sale de esto es ke eskojemos a nuestros parientes ke metan la responsabilidad atras a mozotros. Esto no es una idea Judia. Al kontrario el Judaizmo ensenya ke el Dio eskoje ken seran muestros parientes. Ande naseremos i kuando. Tu puedes eskojer a tus amigos, pero no a tus parientes.
Por tanto ay una ensenyanza autentika Judia ke dize algo mas fuerte. El Dio eskoje los detalios de muestras vidas i mos mostra todo. Pero muestras almas estan de akuerdo kon estos detalios. Mos mostran antes de venir al mundo, ke destino vamos a tener i ke sera el reto. Komo vamos a naser i komo muestra vida terminara. Komo las paratropas, semos konsientes del riziko i mos avlan de muestra mision en resiviendo lo ke tenemos de menester. Asi lo akseptamos i nos echamos abasho. La akseptansa de muestra alma no ekskuza a dinguno de azer danyo a mozotros. Ni tenermos responsavles por lo ke eskojen.
Esto sinyifika ke antes de entrar al mundo ke muestra alma savia ke tenia fuersa para sovrebivir lo ke otros nos arian. Entonses porke uno akseptaria a pasar por la dolor? Porke ayi arriva antes de abashar a este mundo, se veia un buto.
La sinyifikasion i las razones detras los retos. Tu alma fue mostrada ken seria tu familia kon todas las kompleksidades. Mostrando una por una tus flakezas i tus viktorias. Estos son tus momentos oskuros i esto es la razon detras. La alma ve la pintura grande i todo aze senso. Lo akseptamos por esta razon. Pero lo ke se pasa es ke al naser lo olvidamos todo. Por esta razon las kozas no azen senso, pero aryentro en un lugar profundo savemos ke la vida tiene sinyifikasion mizmo kuando no lo vemos. No lo eskojimos ni fuimos eskojidos. MAZAL TOV.
SALUDES A TODOS.