MARGARITA (PAPATYAM)
Papatya gibisin beyaz ve ince
Sos komo una Margarita blanka i delikada
Eziliyor ruhum seni görünce
Mi alma se apreta kuando te veyo
İsmin dudaklarımı yakıyor neden
Tu nombre me kema mis mushos, no se deke?
Nedir bu çektiğim senin elinden
Kualo es esta sufrisyon por ti
Yalvarırım sana gel üzme beni
Te rogo ven, no me deshes sufrir
İnan bana çok seviyorum seni
Kreeme te kero muncho byen
Gel kollarıma artık bekliyorum
Ven a mis brasos esto asperando
Papatyam seni özlüyorum
Tengo muncho eskarinyo mi margarita
Neden sanki öyle dudak büküyorsun
Deke azes esta forma en tus mushos
Yoksa açık söyle hiç mi sevmiyorsun
Es ke no me keres? Dime frankamente
Sana soruyorum neden susuyorsun
Te esto demandando deke estas kayada
Bana bu sevgiyi çok mu görüyorsun
Es ke lo ves muncho este amor?
Ansi kontinua el tango famozo del Kompozitor de tangos inolvidavles. El, entro a muestras vidas kon melodias de elegansa, de amor i de melankoliya. El, dedikado a la muzika de tangos, kompozitor, otor de kantikas, aranjor, akordeonisto, direktor de orkestra:
NECDET KOYUTÜRK.
Necdet nasyo en 1921 en Ankara. De su chikes tomo lisyones de muzika de profesores etranjeros. Dospues tomo lisyones de armonia de profesores famozos komo Demirhan Altuğ i Cemal Reşit Rey.
En 1938 empeso a kompozar kantikas ma la maoriya de sus kompozisyones eran tangos. Syempre prefero la forma Arjantina i no la forma evropea. Kreo un stilo ekstranyo: “el tango turko”.
“El tango turko” kon tyempo entro a la literatura de la muzika turka.
En 1943, en el servisio militar, kompozo el famozo tango “papatyam” “mi margarita” ke oy en dia mezmo tyene un grande sukseso.
Grasias a sus estudyos muzikales, parvino de 1935 a 1980 a konoserse por munchas partes del mundo. Papatya fue anrejistrada en Ingletierra COLUMBIA REKORDS i paso a los livros de muzika komo primera kompozisyon turka. A partir de 1949 izo programes en la radyo de Estanbol i programes de tangos en syertos lokales.
Kon un grande repertuar, el i su orkestra dyeron konseres a los deputados ke vijitavan la Turkiya, komo Mareshal Tito i el Rey de Persya Faysal. Kompozo muzikas para syertos filmos, munchas de sus kompozisyones fueron kantadas por artistas etranjeras, Lili Ivanova de Bulgaria i Yarka Markon de Israel.
Su ijo, Erdener Koyutürk, tomo el kamino de su padre, kontinuo a kompozar tangos. El otro ijo, Özdener Koyutürk, fue pianisto i fondador del kuarteto OKOTANGO.
Necdet Koyutürk muryo el 19 Novembre 1988 en Estanbol a los 66 anyos i fue enterrado en el simiteryo de Zincirlikuyu.