Shavuot, fyesta del puevlo de Israel kon sus 10 Komandamientos, fue ordenada por El Dyo Baruhu, a los ijos de Israel kon su boz de Ashem.
Durante el evenimiento tan importante del Monte de Sinay, kon espanto i terorizados los ijos de Israel, demandaron a Moshe de avlarles kon su boz, porke se espantaron de este mesaje i disheron avlamos tu mizmo i te entienderemos, porke no puedemos oyir al Dyo Santo del espanto de murir. (Exodus 20/16)
Moshe les ambezo las palavras santas a los ijos de Israel, i ansi konosemos los Komandamientos, i las 10 palavras (Aseret A Diberot).
Veremos agora lo ke mos dize el filozofo Philon de Alexandria, en el primer siglo de la era Kristiana.
Estos Komandamientos prinsipales u Leyes de ande salen son todas las reglas prinsipales de la Tora. Es lo ke mos dize Rabi Saadia Gaon. (Babilonya 10en siglo).
Los 10 Komandamientos pozitivos i negativos i (Material-Moral) reprezentan todos los Komandamientos de la Tora.
Estas (mitzvotes) se pueden amostrar ansi: Entre el ombre i el Kriyador del Mundo, entre una persona i otra.
Komandamientos ke vienen del korason 1-10, de las palavras 3-9, de aktos 2-4-6-8.
En el tyempo de Yerushalayim i el 7en se meldava todos los Komandamientos kada diya.
En munchas Keilotes los yahidim, kontinuan a alevantarsen el momento de la lektura de los 10 Komandamientos, ke son para todos la baza de toda la moral.
Pas i Amor entre todos. Amen
