Bazado sovre la novela de 2015 de Renée Knight, Disclaimer es una seri psikolojika de suspenso, estrenada en Apple TV+ en 2024. Eskrita i dirijida por Alfonso Cuarón, ganador de sinko Premios Oscar, esta mini-seri de syete epizodios eksplora la fuersa de la verdad, de las istoryas ke mos kontamos i de la manera en ke vemos los evenimientos, ambezando tambiyen el peligro de los sekretos.
En esta seri ay munchos aktores famozos: Cate Blanchett interpreta a Catherine Ravenscroft; Sacha Baron Cohen su marido Robert; Kodi Smit-McPhee su ijo Nicholas; Kevin Kline da vida a Stephen Brigstocke i Lesley Manville interpreta a su mujer Nancy.
La istorya sige a Catherine, una periodista muy konosida. Un dia una novela aparese i empesa a deskuvrir un sekreto muy personal de su pasado.
Los eventos del pasado son kontados desde diferentes puntos de vista, la seri invita al spektator a kestyonar la memoria, la identidad, la persepsion i la relasyon entre la verdad i la manera ke kontamos la mizma istorya.
En Disclaimer kada personaje ve los mizmos evenimientos de una manera diferente segun sus proprias eksperiensias, emosiones i kreensias. De esta manera, la serie muestra ke la memoria no siempre es una reproduksion egzakta de lo ke paso, sino una konstruksion influensada por el sentimiento, la kulpa, el duelo i los prejuisios.
En una entrevista, Alfonso Cuarón ekspliko ke el uzo de diferentes narradores era una parte sentral de la seri:
“Komo una narrativa puede trokar por kompleto la manera en ke entendemos los echos i las istoryas. Desde un punto de vista psikolojiko, los sekretos — espesialmente los de muestro pasado — siempre tornan. Afektan muestras relasiones, muestra personalidad i muestra stabilidad. I esto no vale solo para los individuos, sino tambyen para las sosiedades.”
El trailer de la seri tambien dize lo mizmo:
“Guadravos de la narrativa i de la forma. Su poder puede aserkarmos a la verdad, ma tambien, por muestra manera de kreer i de djuzgar, puede transformarse en una arma de gran poder para manipular.”
A la fin, Disclaimer mos aze demandar una kestyon importante: La verdad es realmente una sola? O, al kontrario, todos formamos la realidad segun lo ke tenemos menester de kreer? La seri no da una respuesta fasil. Al kontrario, mostra ke las personas, muchas vezes, rekonstruyen sus rekuerdos i sus istoryas para poder kontinuar kon sus vidas.
Kon una narasion sofistikada, interpretasiones ekstraordinarias i un estilo vizual impresyonante, Disclaimer es una refleksion sovre la memoria, la verdad i las istoryas ke mos kontamos a mozotros mizmos.
