Rabi Nahman fue el fundador del koryente Hasidik de Bratslov, fue un savyo ke inisyo la fuersa de la Fey, avlando de las difikultades de mantener la Fey i la Alegriya, ke da a todos kreento en eya. Sus eskritas son en Yidish, fueron tradusidos en munchas versiones en Ivrit. Rabi Nahman diziya ke las eskritas tyenen el poder de avrir los kaminos de pensar de la persona, i topar sensio de sus konsejos, donde kada biervo guadra un senso mistiko, u bien un mesaje para el avenir. Sus konsejas tyenen una partikularidad de deshar a los ke meldan, un enkanto, komo un es.huenyo de kolor ke guadra sus sekretos de un evenimyento del avenir.
Vini meldaremos endjuntos el teksto de esta konseja de Rabi Nahman. La konseja se pasa en un paiz imajinaryo.
Las paras son muy emportante para bivir. Komo una persona ke no es kapache de adelantar se konsidera komo un bestia. Kale tener una grande fortuna i para guadrarla, se aze medyo leon i medyo ombre. Despues se aze medyo ombre i medyo raton, u raton por entero. Los ke sirven a los rikos son lo mas raton, i se sienten muy onoravles de este estado.
La rikeza prima todo, i eyos se fraguan moradas luksiozas enriva de las alturas, las montanyas ande asopla ayre puro ke todos no pueden alkansar, i servidos de ombres i de bestias.
Ansi vemos Rabi Nahman kuarenta siglos antes de Marx, la Teoriya de Libertad dizyendo ke dingunos no es libero, si es atado, aprezado de su ego.
En la konseja vemos komo vizyon un mesaje de los tyempos a vinir kuando estamos adorando la vaka de oro.
