El dar numeros a los prizonyeros en los kampos de konsentrasyon nazis no era solo una aplikasyon administrativa. Este sistem era parte de un mekanizmo de opresyon la mas grande ke servia para efasar la identidad de las personas, i transformarlas en "objektos de rejistro" kontrolados por el Estado. Espesialmente en los kampos governados por la SS, esta aplikasyon se izo sistematika.
Empleyar Numero en Lugar de Nombre
Una de las primeras eksplikasyones ke bivyeron munchos prizonyeros kuando vinieron al kampo fue ke les davan un numero en lugar de sus nombres. Espesialmente en kampos komo Auschwitz-Birkenau, a los prizonyeros les tatuavan estos numeros direktamente en el braso. Esto tenia razones prensipales:
- Fasilitar el rejistro de personas en el kampo.
- Aleshar a los prizonyeros de sus identidades personal, yamandolos por sus numeros i no por sus nombres.
Para entender mijor esta aplikasyon, kale mirar komo lavorava el sistem de los kampos nazis i el lugar del numero en la vida del prizonyero.
Ke Pasava a la Entrada del Kampo?
Kuando un prizonyero arivava al kampo de konsentrasyon, en muy poko tiempo se le kitava toda su identidad personal. Kitar la identidad pasava por estas etapas:
- Sus pertenensias personales eran tomadas: Las oras de braso, aniyos, fotografias, kartas, paras i otros objektos de valor eran arekojidos.
- El nombre era rejistrado: Se anotava el nombre del prizonyero i despues se le dava un numero de kampo.
- Le kortavan los kaveyos: Le kortavan los kaveyos muy kurtos.
- Las vistimientas eran trokadas: Se les kitavan las vistimientas i se les davan vistimientas standard del kampo.
- Tatuaje en el braso: En Auschwitz-Birkenau, a los prizonyeros rejistrados se les podia azer un tatuaje del numero en el braso.
Los nazis davan numeros a los prizonyeros para governar el sistem de los kampos i de lavoro forsado, para objektivar a la djente i mantener el orden.
Desumanizasyon i Dezidentifikasyon
- Efasar los Nombres: Se kitavan los nombres i las alkunyas de los prizonyeros, i en su lugar se metia solo un numero.
- Presyon Psikolojika: Se destruiya el sentimento de ser umano
- El Ovligo del Aleman: Los prizonyeros tenian el ovligo de ambezarse i kontar sus numeros en lingua alemana.
Razones Prinsipales del Empleyo de Numeros
- Despersonalizasyon (Desumanizasyion): La razon la mas emportante era kitar la identidad umana i el oto-respekto del individuo. Kitar sus nombres i konvertirlos en numeros servia para influensarlos psikolojikamente, azerles sintir ke eran solo un "objekto". Kitar el nombre de una persona es la manera la mas radikala de inyorar su pasado, su famiya i su egzistensya personal.
- Fasilidad Administrativa i Burokrasia: El segimiento de miles de personas era difisil. Los nombres de personas de diferentes paizes (Polonya, Rusia, Ungria, ets.) eran difisiles de eskrivir i prononsar para los ofisiales alemanes. Los numeros davan un sistem standard para los rejistros de muerte, listas de lavoro i punisyones.
Rezistensia i Memoria
Ma, orozamente, los prizonyeros no peryeron kompletamente sus identidad. Munchos de eyos:
- Se akordavan sus nombres unos a otros,
- Kontavan las istorias de sus famiyas i de sus pasado,
- Eskrivian poemas, notas o diarios,
- Se komportavan unos a otros komo umanos.
Oy en dia, los istoriadores i los investigadores lavoran para rekuperar las istorias reales, los nombres, las famiyas i las vidas de kada una de las personas ke fueron yamadas kon un simple numero.
