En los diyas pasados, mirando una seria en Netflix, sin pensarkual ke seya, topí un filmo i me ambezi un konsepto ke nokonosía. En realidad, era una koza ke siempre avía sentido, mano saviya ke teniya una baza syentífika. Este konsepto se yama “Banyo de Shara” (Shinrin Yoku).
Kero eskrivir un poko sovre este sujeto. Este konsepto fuedesvelopado en el Japon en los anyos 1980 i entro en la medikeria Japoneza komo una manera de protejar la salud i para melizinar el bienestar. Esto en Japon se yama “ShinrinYoku”. Este konsepto no es azer realmente banyo en la shara. El sentido de este nombre es pasar tiempo en la shara, kon toda la konsiensia, tokar a los arvoles, sintir la fuersa ke eyostienen i avrir los sinko sintidos a la natura. Azer un banyo de shara es una manera de entrar en una relasion profunda kon la natura.
La idea prinsipal es muy simple. Kuando una persona vijita un lugar natural i kamina trankilamente, puede alkansar un estadomas kalmo, mas bivo i mas sano.
El Dr. Qing Li, uno de los investigadores mas importantessovre este sujeto, eskrivyo en su livro (2018), ke el banyo de shara no es solo una vijita kurta i plazentera. Es i una formanatural de aromaterapia. I mos konta los benefisyos ke regulanla presion de la sangre, azen mijorar la salud del korason i de las venas, balansan el nivel del asukar, azen enforteser la memoria i la konsentrasion, ayudan kontra la depresyon, ayudan la kapasidad de konsentrarse en las kreaturas kon iperaktividad, de mas enerjiya, ayudan para enforteser el sistem immuno i ayudan a pujar las proteinas de antikanser. De otra parte ayudan a perder peso.
En 1982, el Ministerio de Agrikultura, Sharas i Peshkas del Japon empeso un program nasional de salud. El primer lugarke se eskojo fue Akasawa, en Nagano. Esta shara es famozapor sus arvoles de hinoki, una espesia ke pueden yegar asta trenta i sinko metros de altura. Despues en avril de 2006, Liyama fue el primer lugar del Japon ke resivio el sertifikadode terapia de shara. Oy en diya ay sesenta i dos lugaressertifikados de terapia del shara en el Japon, i sinko milyonesde personas los vijitan kada anyo.
Agora oy en diya, la teknolojia se dezvelopa muy presto. Ma sus efektos psikolojikos i fizyolojikos negativos se ven espesialmente mas muncho, entre las kreaturas. Las kreaturaske pasan la mayor parte del diya entre kuatro paredes, delantrede la televizyon, de la tableta o del telefon, sufren mas de faltade atension, iperaktividad, obezidad i otros problemes de salud. Por esta razon se izieron diversas investigasiones. Los rezultados amostraron ke las kreaturas ke pasan mas tiempo en la natura i ke forman una relasion kon eya, gozan de sus mijorsalud del puerpo i psikolojia.
Otro de los benefisyos importantes del banyo de shara vienede la golor de los arvoles. Munchos arvoles tienen aromasnaturales ke los defenden de los insektos i de lasenfermedades. Estas sustansias, yamadas phytoncides, pasanal ayre. Kuando respiramos este ayre, estas mizmas sustansiasayudan a enforteser muestro sistem immuno. Afilu solamenterespirar el ayre puro i riko de oksijeno de la shara ayuda a abashar la tansion de la sangre, la anksiedad i los ormónes del stres, i aze ke la persona se sienta mas trankila i mas en pas.
El kontakto kon la natura, despierta los sentimientos pozitivos,aze mijorar a la persona fizikamente, emosyonalmente i mentalmente.
El banyo de la shara mos ofrese una oportunidad de detenerpor un momento el adjile de la vida moderna i de tornar a enkontrar la natura. Kuando miramos kon atension afilu solo a una oja del arvole, entendemos ke eya, komo mozotros, se alimenta de la mizma tierra, del mizmo ayre i de la mizmaluvya. Ansi empesamos a sintir un respekto mas profundo por la natura i para protejarla.
