Antes de de azerse uno de los otores mas vendidos del mundo, fue echado tres vezes en un ospital psikiatriko. Su livro el mas famozo, vendido mas de 150 milyones de kopias, fue tradusido a mas de 80 linguas. Fue atado a una meza i le dieron shokes elektrikos. El era solo un mansevo ke keria ser eskritor en lugar de avokato. Su unika "kulpa" era esto. Su famiya, se espanto, penso ke su mente kreativa era una sinyal de una hazinura psikolojika i lo metio tres vezes en un instituto psikiatriko. Ma, duspues de munchos anyos, este mizmo ombre se asento delantre de una oja vazia i, en solo katorze dias, eskrivio un livro ke iva trokar el mundo. Su nombre era Paulo Coelho. I su istoria mos amostra kuanto se pueden yerrar la djente ke mos kritikan.
En el anyo 1988, Paulo metio toda su alma en una fabula simple. Esta istoria kontava de un mansevo pastor ke kaminava por el dezierto duspues de su esfuenyo. Le dio a su livro el nombre "El Alkimista". El savia ke avia una koza espesial en este livro. Ma el mundo de la publikasion no le dio dinguna emportansa. La primera kaza editora ke publiko el livro lo desho enpolvandose en los rafes. Las vendidas eran tan bashas ke la editora desho el livro ofisialmente i le dio atras los dereches de publikasion. Le disheron ke su ovra era un fíasko total.
Muncha djente se esvacheyan en este punto pensando ke los "ekspertos" ya avian avlado. Una letra simple de refuzo no lo iva a azer fuyir. El kreia de korason en el mesaje prinsipal de su livro: Kuando keres una koza de verdad, todo el universo se auna para ke lo obtengas.
El refuzo de esvachearse. Paulo topo una segunda kaza de publikasion pronta para darle una shans. I duspues izo una koza maraviyoza. La reushita no vino de una kampanya de propaganda. El livro se engrandesio poko a poko. Una persona meldo el livro, sintio ke su korason troko i se lo konsejo a un amigo. Este amigo se lo dio a otro. Poko a poko, el livro se espandio de las kayes de Brazil a los kuatro kantones del mundo.
Oy en dia, "El Alkimista" es uno de los livros los mas amados de la istoria. Vendio mas de 150 milyones de kopias. Fue tresladado a mas de 80 linguas. Lo podesh topar tanto en las mezas de los governantes los mas poderozos del mundo, komo en los sakos de los estudiantes.
Ma el eskojo tener konfiensa en su boz de ariento. Le amostro al mundo ke: La verdadera inkapachedad es refuzar de empesar el kamino o esvachearse kuando una persona te dize "no".
Las difikultades ke renkontramos no son una punision. Son la preparasion para las kozas ermozas ke te estan asperando en tu kamino. Kontinua a kaminar porke el mundo esta asperando tu istoria.
