En las ojas de la istoria, ay munchos istorias epikas ande un puevlo prefere la muerte al esklavaje; ma dinguna no es tan triste i epika komo la de Masada. Esto no es solo una defensa de un kastro, es la istoria de los ke eskojeron romper las kavenas del esklavaje para bivir i murir kon onor.
La Salida de Roma i el Refujyo en el Sielo: La istoria se aviza en el anyo 66 AJK, kon la mueva de la Gran Revolta djudia kontra Roma. Los Sicarii, basho el komando de Eleazar ben Ya’ir, se refujyeron en el kastro de Masada, en medio del dezyerto. Kuando la sivdad de Yerushalayim i el Bet Amikdash fueron destruidos en el anyo 70 AJK, los ultimos rezistantes fuyeron a este kastro. En total, eran 960 personas: no solo gerreadores, ma tambien mujeres, vyejos i kriaturas.
La Vida en Masada: Tres Anyos de Libertad: Los djudios bivieron en Masada un total de siete anyos, ma la vida mas fuerte fue en los ultimos tres anyos despues de la kaida de Yerushalayim. Masada no era un lugar de ambre; el Rey Hirodes avia fraguado depos grandes kon trigo, vino i azete ke se guadravan freskos munchos anyos. Aya, los djudios mantuvyeron sus tradisiones: fraguaron una sinagoga, mikvaot para la tevila i un sistem de pozo para arekojer la agua de la luvia. Fue un tyempo ande bivyeron komo personas libres, apartados del mundo romano.
La Gerra de los Jigantes: Dies Mil Kontra un Punyado: A la fin del anyo 72 AJK el governador romano, Flavius Silva ayego kon una armada de 15.000 soldados (la Lejyon X). Roma para parvenir, si no, no puedia asertar esta rebelyon. El asedyo duró entre tres i sesh mezes. Komo el kastro era muy alto, los romanos fraguaron una rampa de tyerra jigante para suvir sus makinas de gerra. Basho los fotros de las piedras, los esklavos djudios fueron ovligados a fraguar esta rampa para ke sus ermanos de ariva no les echen piedras.
Una Fin kon Onor: La Muerte en Lugar de la Esklavitud: En una noche de primavera del anyo 73 AJK, los romanos rompyeron la muraya. Savyendo ke la manyana sigyente los romanos van a entrar, Eleazar ben Ya’ir yamo a su puevlo i les dishó ke era mijor murir libres ke ver a sus mujeres violadas i a sus ijos vendidos komo esklavos. Kedaron dakordo para este plan trajiko. Kada padre de famiya mató a su famiya para salvarlos de la verguensa.
La manyana sigyente, los romanos entraron i no toparon dingun gerreador, solo un silensio profundo. Los djudios desharon los depos de komida sin kemar, para amostrar ke no murieron por ambre, sino por voluntad propia. Solo dos mujeres i sinko kriaturas se salvaron aryento de un pozo i kontaron esta istoria al mundo. Oy, Masada es el simbolo de la voluntad djudia kon la frase: "Masada nunka mas va kayer!" Masada no es solo una istoria de piedras i de gerra de munchos anyos antes. Es una leson grande de vida ke mos avla direkto al korason oy, en este mundo moderno ande munchas vezes mos sintimos solos. Oy, bivir kon Onor i mantener las valores ke no se pueden vender, es mas importante ke nunka.
La libertad es la mas grande valor en la vida.
Syempre alegre, Syempre libre.
