II. El Misteryo de la Natura: El Sekreto del Linguaje de los Animales
La segunda parte del livro mos traye a un mundo de maravias. Un pastor de ovejas, mientres paseava su rebanio, salvo a una kulevra de un fuego de tyerra. Esta kulevra era el ijo del rey de las kulevras. Komo gratitúd, el rey lo yevo a su palasyo debasho de la tyerra i le dyo un regalo muy espesyal: entender el avlar de todos los animales, los pásharos i los insektos. Ma le dyo una kondisyon muy grave: "Si tu dizes este sekreto a otra persona, vas a murir en el momento."
El pastor se izo muy riko porke oyia a los krios dizir onde estavan los trezoros enterrados. Un dia, el se riyó de una avla komika entre su azno i su kavayo. Su mujer, ke era muy kurioza i persistente, keriya saver la razon de su riza. El pastor no keriya dizir nada, ma la mujer lo tormento tanto ke el se disho: "Ya ke no tengo repozo, va dizirle el sekreto i va murir."
Djusto antes de avlar, el oyo al gayo de su kaza avlando kon sus gayinas. El gayo se burlava de el dizyendo: "Muestro patron es un tonto. Yo tengo sinkuenta mujeres i todas me obedesen, i el no puede manejar a una sola!" El gayo le dyo el konsejo de darse un buen kastigo a la mujer para ke sepa su lugar. El pastor, oyendo esto, tomo una vara i asi lo izo. Su mujer no le demando mas nada, i el pastor bivyó munchos anyos kon su sekreto guardado.
Este livro ke Metin Delevi partajó kon mi, no es solo un kuento; es un espejo de la moral i de la lingua de muestra nasyon. Guardando estos tekstos, guardamos muestra propia alma. Al meldar estas pajinas, no solo vemos el pasado, ma yegamos a entender la fuersa de la lealtad i del silensio. Es un konsejo importante para todos los ke aman el djudeo-espanyol. Grasias de muevo a Metin Delevi por este regalo tan presyozo.
