La semana pasada mos fuimos kon una amiga a vijitar el muzeo de Pera, la egzibisyon de Halil Pasha ke estava muy ermozo.
Halil Pasha (1857-1939), uno de los pioneros de la pintura turka, konosido por su estilo impresionista, su uzo de la luz, fue un pintor ke kombino la disiplina akademika kon la sensibilidad impresionista.
Despues de la edukasyon ke tomo en Paris, konosido por sus peyzajes, portres i naturaleza muerta, realizados en Estambol, Ejipto, el artisto progreso en la area de la pintura en el ayre libre.
En el bodre de la agua, la vida i el arte de Halil Pasha: este estudyo se sentra en la vida i la produksiyon artistika de Halil pasha, un pintor de orijin militar djugo un rolo importante en la transformasyon de la pintura del imperyo otomano a la Republika, kombinando la disiplina akademika kon la sensibilita impresionista i syendo pionero en la formasyon de la tradisyon de la pintura al ayre libre en Turkiya.
La ekspozisyon ofrese una vizyon jeneral kompleta de el, abarkando desde detalyos asta agora deskonosidos de su vida i formasyon artistika asta su kompreansyon de la luz i la kolor, su maestria en la pintura de peyzajes i sus ovras en diferentes rejyones jeografikas.
La edukasyon de Halil pasha en los anyos 1880 en Paris, fue en una de las institusyones artistikas, una de las mas important, École des Beaux Arts.
Reushidades nasyonales i internasyonales en la mansyon de su padre, Selim Pasha en Estambol.
El viaje visual, ke abarko los bodres del Bosforo en Estambol, las ekspozisyones de los salones parizianos i los tonos dorados del Kairo, abarka un karakter dokumental grasyas a dokumentos de archivo de los periodos otomanos; i republikano, artikulos de presa, kartas personales del archivo familiar del artisto i fotografias.
La ekspozisyon pretende el publiko aktual no solo kon las kontribusyones de Halil pasha a la pintura, sino tambyen kon el ponte estetiko ke konstruyo entre Oryente i Oksidente, su papel en el proseso de modernizasyon otomana, sus ovras artistikas de prinsipyos del periodo republikano i su identita komo intelektual.
Alhad pasado asisti al konserto del İkinci Bahar Korosu kon el direktor Kaan Sezerler ke entro al departamento de formasyon instrumental del Konservatoryo del Estado de Muzika de Turkiya.
El se graduo kon los maksimos onores. Kaan Sezerler dyo muncho konseres en munchos paizes del mundo i en eskolas diferentes, el dyo kursos de kemenche klasiko. En mizmo tyempo tomo lugar en los groupos de Los Pasharos Sefaradis i los konseres de Maftirim.
El artisto pudo realizar el konserto deViena a Estambol, en uzando los instrumentos muzikales turkos i oksidentales, reusho a aserkar estas dos muzikas.
Resientemente, el reprezento a muestro paiz en konsertos en la Gresya, Fransya i en la India.
Kaan SEZERLER es el shef direktor del koro İkinci Bahar. El tyene un talento maraviyozo. El konserto estava yeno de djente i yeno de kantikas konosidas ke, mantenimos el ritmo.
Felisitasyones a todas las koristas i los koristos.
