Mira, el Arvole esta kemandose i no se esta azyendo siniza…
Aki es un lugar Santo, kitate los kalsados i mira… Bendicho el Santo, el nombre ke no se empleya nunka, el mombre sekreto de Ashem (El Dyo Santo).
El Arvoliko de Sene ke vido a Moshe, teniya los punchones por abasho, un pashariko puediya entrar i no salir del arvoliko de Sene. Este sembolizmo se puede aplikar a los ijos de Israel. Kuando entraron en Ayifto del tyempo de Yosef Atsadik, fueron arisividos bueno, porke los punchones (sembolikamente) eran por abasho, dunke los ijos de Israel, despues de 250 anyos de esklavaje, salieron de Mitsraim, de los punchones, de la sufriensa del Galut.
Todos estos sembolizmos amostran kada verdad ke bivimos, en kada momento de muestra istorya, komo las 10 makot de Paro. Los muestros vieron ke los grandes imperyos de Babylon, Persya de Sirus, el imperyo Grego, i enfin Roma del Este i del Oeste se dispersaron, deshando el kavretiko en pies. El Kavretiko ke lo merko mi Padre Poderozo, para siempre.
