Muestro Kalendaryo es bazado sovre 6000 anyos i de los 6 dias de la Kreasion
i los 6 Sefirotes. Puedemos trasar un paralelizmo ke mos da este tablo.
1) Los primeros 1000 anyos son konosidos komo anyos de la (Buendad), Hesed. Mizmo ke los umanos no kaminan muy derechos, El Sinyor del Mundo los entorna de una santedad ke los guadra de todo el mal.
2) Los segundos 1000 anyos kuando el Delujio atemo, el Mundo es atado a la Gevura ke kijo dizir (Fuersa).
3) Los treseros 1000 anyos son atados a la Sefira Tiferet (Ermozura). Es la epoka de la Tora Matan Tora ke se diziya en el Monte de Sinay, ke komporta 3 Luzes: Tora, Neviim, Ketuvim.
Tora, los Profetos i los Eskritos. Es una epoka ermoza; epoka tambien de la salidura de Ayifto i del dono de la Tora.
4) La kuatrena Sefira, ke es Eternitad, Netsah, tyempo del Bet Amigdash, tyempo de Buendad i Amor.
5) La sinkena Sefira son anyos i tyempos de sufriensas de la ravya del Kriyador kontra la umanita. Bien ke se avla del Delujyo, es una epoka de mas sufriensa, de malor, de los sielos i de la tierra ke paresen penitensiarmos.
6) Los sejen 1000 anyos son Yasod. Porke pekimos, se alargo la vinida del Mashiah ke mos salvara de todo mal, i kaminaremos verso la sietena dimension, kon alegriya verso muestro Shabat.
