Era septembre de 1945. La Segunda Gerra Mondial aviya eskapado sesh diyas antes. Los soldados de los Estados Unidos estavan tornando a kaza. El mundo aviya empesado a entender el oror de los sesh milyones de vidas judias pedridas en Evropa.
En estos diyas, una manseva de 21 anyos de Bronx se estava aparejando a entrar al konkurso de Miss Amerika.
Bess Myerson era de una famiya prove. Su madre i padre eran emigrantes rusos ke se aviyan fuyido del antisemitizmo de Rusia, ma ke toparon un diferente tipo de antisemitizmo en los Estados Unidos.
En la Grande Depresion, estavan bivyendo en un chiko apartamento en Bronx, ma su famiya estava desidida a una koza: keriyan ke Bess resiva formasion muzikal. En primero piano, duspues fluta. Bess teniya un talento ekstraordinario.
Bess se prezento al konkurso de Miss Amerika porke keriya resivir una burs. Gano el títolo de Miss New York. Duspues gano el titolo de Miss Estado de New York. Kijo kompetir tambien en Atlantic City por el titolo el mas prestijiozo del paiz. Era akel tiempo ke empesaron las propozisyones.
Los sponsores del konkurso le disheron ke el nombre "Myerson" era demazyado judio. Le konsejaron ke tope otro nombre. En los Estados Unidos, en 1945, el antisemitizmo estava akseptado en la vida publika. Los klobes no estavan akseptando a los judios. Las universidades tenian kotas. En los anunsios de empleo estavan eskriviendo ‘solo kristianos’. I para una reyna de ermozura, ser aviertamente judia se konsiderava un dezavantaj. Le disheron ke si keriya ganar, kaliya ke guadre ken era. Eya refuzo.
El haber se ekstendio rapidamente entre las komunidades judias de los Estados Unidos. Sovrebivientes del Olokosto, le embiyaron letras. "No te eskondas. Estate firme kon orgulyo. Amostrales ke mozotros tambien apartenemos aki".
El 8 de septiembre de 1945, Bess Myerson suvio a la shena siendo Bess Myerson. Djugo la fluta. El publiko la aplodizo. Bess gano el konkurso de talentos. I duspues unos kuantos dias duspues de la fin de la gerra, Bess Myerson fue koronada Miss Amerika. Eya fue la primera mujer judia ke gano este títolo.
Para las komunidades judias, esto fue mas de una viktoria. Fue la prova de ke no era menester de efasar la propia identidad. La prova de ke ser en los estadounidos no era menester de eskonderse.
Ma la korona no pudo protejarla de lo ke vino despues. Durante la selebrasion de su viktoria, oteles i restoranes le refuzaron la entrada, por ser judia. Sponsores refuzaron a inkluzarla en los eventos. Estos lugares no kerian una Miss Amerika judia.
Bess no se estuvo kayada. Avlo aviertamente sovre los prejudisios ke enfrento i aprovecho de la atansion nasional.
Munchas famiyas le dieron su nombre a sus ijas. Sinagogas la envitaron a dar diskorsos. Resivio miles de letras de komunidades judias remersiandola por defender kon orgulyo su nombre kuando pudia trokarlo i simplifikar las kozas.
Duspues de su reinado, se konvertio a la primera Komisionada de Asuntos del Konsumidor de la sivdad de NewYork i lucho por la djente komun durante anyos.
Todo empeso kon una sola desizion en 1945. Le disheron ke se eskondiera. Lo refuzo. I en refuzando, le dio a una komunidad lo ke tenian menester: La prova ke el odio no es vensido eskondesiendose.
