—Ke vas azer oy?
—Nada…
—No te estas sintiendo buena?
Este es un dialogo ke pasa entre mozotros i los ke keremos bien.
Semos ijos de una sivilizasion ke dize: “El fierro ke lavora no se furujenta”.
En esta kultura, el estar sin azer nada no es visto kon buenos ojos.
Si tienes tiempo vazío, dizen: “melda un livro, regla el armario, aze pintura…”
Ma meldar, pintar, reglar el armario no son kozas de pasar el tiempo: son nesesidades naturales de la vida.
La palavra “Niksen”, viene del olandés i kere dizir no azer nada.
Diferente de la meditasion u del yoga, niksen es el estado de no konsentrarse en dinguna koza.
En el mundo moderno, korrer de un lugar a otro es visto komo el sekreto de la vida.
Niksen es una palavra ke los olandezes yaman el “arte de no azer nada”.
Es un arte, porke todos no saven azerlo.
Kuantos puntos puedes mirar por la ventana sin azer nada? Yo, por mi parte puedo dizir tres u sinko minutos.
Se dize ke kada vez ke pratikas niksen, tu menta se kalma, el stres se amengua.
Algunos savios dizen ke la kreatividad viene direktamente del tiempo ke estamos preokupados i triste.
Kuando estas kon tus ijos, no es nesesario ke kada momento sea “yeno”.
No tienes ke ensenyarles kozas nuevas todo el tiempo.
A vezes, solo estar a su lado es bastante para ke se sienta el amor ke tienes para el.
Por esto, si transformas los momentos kon eyos en niksen, te va servir a ti i a eyos.
Lo importante es konoserte a ti mizmo i sentirte pronto para niksen,
i akseptar ke estos “momentos vazíos” son una nesesidad.
No te tiene ke dar verguensa el estar sin azer nada; al kontrario, es parte de la vida moderna.
No importa komo de yeno este tu programa, regalate un poko de niksen.
Los artistas ke biven kon la muzika tienen una fraza ke me gusta muncho:
“El sukseso de una piesa muzikal no esta solo en las notas, ma en los silensios entre eyas.”
Ke los “silensios” de tu vida te traygan la alegria.
