Newton: Sientifiko, matematiko, fiziko, astronomo, filozofo de la natura i teologo. Kon su ovra: Philosophie Naturalis Principia Matematica, kon la ley de gravitasyon universal i las tres leyes del movimyento, asementa las bazes de la fizika i la mekanika klasika.
Kon sus pensamyentos i ensenyensas estampyo el mundo de su tyempo.
Konfuchius: Empesando de la China, Japonya, Vietnam, Endonezya i los paizes asiatikos, fue un filozofo ke desho una marka profonda i fue el fondador del Konfuchianizmo.
Gutenberg: El kreyo la prensa mekanika, la mas grande posibilita teknolojika, enventada para ke la djente pueda prezervar las enformasyones. Kon esto fue un inventor ke izo ke los livros se emprimeran rapidamente i en grandes kantidades. Esta kontribusyon a la umanita, akselero la realizasyon del Renasimyento i la epoka de Illuminasyon.
Kristof Kolomb: Kon la ayuda finansyera del imperyo espanyol, los antiguos del mundo pudyeron deskuvrir el kontinente amerikano, empesando asi la epoka de los Deskuvrimyentos Jeografikos.
El eksplorador ke izo el mas grande deskuvrimyento de su tyempo, fue un viajador kolonial i eksplorador. Kon este deskuvrimyento tambyen inisyo la epoka kolonial.
Albert Einstein: La teoriya de la relativita, ke derivo komo rezultado de sus estudyos matematikos, i la ekuasyon masa – enerjiya ke lo akompanyava, fue un grande paso adelantre para el mundo de la siensya i la fizika en la kompreansyon de la mekanika kuantika i los konseptos de espasyo – tyempo.
Louis Pasteur: Fue un mikrobiologo i kimiko ke deskuvryo la vakuna kontra la rabia para tratar esta hazinura ke es una de las enfermedades mas komunes i mortales de la istorya. De esta manera, evito ke una enfermedad yena de enfeksyon i mortal matara a milyones de personas.
Galileo: Komo rezultado de su echo en el kampo de la astronomiya observasyonal, introduizo inovasyones en este kampo. Kon sus inovasiones fue un sientifiko ke fue remarkado en la perioda del Renasimyento.
Martin Luther: El era teologo, profesor de universita, el padre del Protestantizmo. El kreo, developo i propajo el Luteranizmo. El fue el pionaryo de los movimyentos reformistos en la Evropa. Mizmo kon las opresiones en la Germanya, el fue el traduktor de la Biblia, del latino al alleman. Djugo un rolo importante en este sujeto.
George Washington: El era un komandante i un soldado. Djugo un rolo muy importante en la gerra de la Independensya de los Estados Unidos, i uniso las tredje Kolonias. El fue el primer prezidente de los Estados Unidos.
William Shakespeare: El era poeta, dramaturgo i un aktor. Es konsiderado komo el mas grande eskrivano en inglez i el mas konosido dramaturgo en el mundo. Tambyen es konosido komo el poeta nasyonal de Inglatierra. Sus piesas de teatro son tradusidos a todas las linguas.
René Descartes: Era un grande filozofo, matematiko i un sientifiko. Invento la geometria sintaktika kombinando los kampos separados de la geometria i la algebra. Ademas es konsiderado komo uno de los fondadores de la filozofia moderna.
Edison: Fue inventor i ombre de negosios komo produksyon de enerjiya elektrika, inskripsyon de boz, realizasyon sinematografika; desvelopo dispositivos en munchos kampos diferentes. Fonografo, kamera de filmos, inventos komo las primeras versyones de los ampules tuvyeron un grande sukseso en el mundo moderno.
