Gad Elmaleh es un komedien i aktor judio kanadiano. Konosido en el mundo frankofono, Elmaleh alkanso grande fama, espesialmente en Fransia, Maroko i los Estados Unidos. Djugo en varios filmos i resivyo premios de Artes por el Ministro de Kultura de Fransia. Elmaleh es muy amado en Fransia.
Realizo turnes nasionales de komedia en los Estados Unidos en 2015 i 2018. En 2019, djugo en la seria de Netflix "Huge in France".
El famozo aktor i umoristo judío Gad Elmaleh, kerido en Fransia, anonsio su konversion a la relijion katolika, i en esta perioda, disho ke la Virjin Maria djugo un grande rolo en su konversion.
Elmaleh, ke tiene 51 anyos, era kazado kon Charlotte Casiraghi, ija de la prenseza Carolina de Monaco, kon ken tienen un ijo, Rafael. Su konversion al katolisizmo es el sujeto de su muevo filmo, “Reste un peu” (Kedate un poko). El aktor judio, ke segun el periodiko espanyol, El Mundo, va tomar el nombre de Jean-Marie en baptizandose, estudio teolojia en París i en 2019 partisipo a un muzikal en Londra sovre Santa Bernadette Soubirous, el vizionario ke vido a la Virjin Maria de Lourdes.
Elmaleh deklaro al periodiko fransez Le Figaro ke «la Virjin María es mi amor la mas ermoza» i ekspreso su sorpreza por el echo de ke en Fransia «la grande majorita de los katolikos no biven sus relijion aviertamente».
Kuando era una kreatura, entro a una eglizia i vido una fotografia de la Madre del Dio. «No era una vizion, solo una simple estatua, ma me kedi paralizado. Empesi a yorar i me eskondí del espanto ke mi famiya me va topar, del espanto de las maldisiones i de la superstision. Lo guadri komo un sekreto durante toda mi chikes», me esto akodrando.
En una entrevista en el program “L’invité” (“El Envitado”), publikada el 9 de noviembre en YouTube, Elmaleh avlo sovre el filmo “Reste un peu”, ke se estreno en Fransia el 16 de noviembre. El padre i la madre del aktor aparesieron en este filmo. Su padre i su madre no estan muy kontentes de su desizion de konvertirse al katolisizmo. “En la entrevista, el aktor i umoristo afirmo: “Es sierto ke esto es una revelasion espiritual i relijioza. Ay muncha meskla de fiksion i realidad”, ma “es sierto ke me kestiono a los 50 anyos”. “Es una bushkeda en la kuala me demando ande, ken, kuando ay un Dio, no ay Dio”, disho, ma afirmo ke “la Virjin Maria me esta yamando i me esta protejando”.
En la entrevista, Elmaleh disho ke vido una fotografiya de la Madre de Dio “kuando era chiko en Maroko, en Casablanca, ande aviya kristianos, judios i muzulmanes, un paiz ke es un egzemplo de inkreívle fraternidad; ma al mizmo tiempo, kon sierto tabu kon el kristianizmo i las eglizias”. “No puediya entrar a las eglizias porke era pekado, era defendido; ma kuando tenia 6 o 7 anyos, entri a una eglizia i me dishe: ‘Aki no esta negro... deke me lo estan defendiendo?’”, disho el aktor. Elmaleh disho ke esta esperando ke los ke van a ver el filmo van a tener una enterogasion i ke esto es “prensipalmente un testimonio, una istoria de amor”.
