Los mijores de mozotros, tenemos munchos defektos
Los negros de mozotros, tenemos munchas kalidades
Tenemos… Lo ke yamas tu Un Defekto
Es ver el defekto.
La doktrina: Konoserse a si Mizmo se ekspresa komo Konoserse a si mizmo i a vezes Konosyendote a ti mizmo .
Saver i rekonoser son konseptos diferentes. Saver es en Jeneral, Konoser es Personal. No se puede esperar saver una koza ke es deskonosida.
En sirkonstensyas normales, todo lo ke savemos sovre mozotros mizmos es lo ke pensan los otros.
Dizen ke estamos Bien i mozotros mos kreemos ke estamos bien. Dizen ke semos Negros u Feos. No emporta lo ke la djente dize de mozotros. Saver lo ke uno bushka en la vida se apersive ke es una realizasyon simple.
Konoserse a si mizmo es la primera etapa i la mas difisil. Konoser tus propios sentimyentos, pensamyentos, entender de kualas etapas esta pasando, ver los apoyos i los obstaklos de tu vida, konstruir tus propyias valores, aprovar tus fortalezas i debilidades, son las pyedras las mas emportantes en el kamino de konoserse a si mizmo.
Sin pueder ver esto todo, u inyorar, Kreer ke te konoses a ti mizmo, sin konfrontasyon es la mas grande error de las personas. Saver ande estas topando lo ke estas bushkando es la sigunda difisil etapa.
La persona en jeneral mira no a lo ke esta bushkando, ma
a las kozas ke se pueden topar fasilmente.
Un dia Djoha en medyo del kamino, asentado enriva de sus dizes, estava bushkando una koza. Un amigo lo vido i le demando: Kualo estas bushkando? El le respondyo en dizyendole ke peryo sus yaves.
Aaaah, muy negro! Te ayudare a bushkar, le disho i el empeso a bushkar.
Djoha ande se peryeron tus yaves? En kaza, le respondyo.
Alora deke estas bushkando aki?
Porke aki esta mas klaro le rspondyo Djoha!
Esto esta komik, ridikulo ma; i mozotros no mos estamos komportando este modo en muestras vidas? Mos esta paresyendo, ke todo lo ke estamos bushkando, esta afuera, en akeya klaredad. Bushkaremos, empesaremos a bushkar, ma saveremos ke, no los vamos a topar afuera de mozotros.
Dinguna persona puede darmos las repuestas, topamos las repuestas solamente mozotros mizmos.
La koza la mas difisil, es de pensar, es de ser la persona ke keren ke seamos, los otros.
No kale permeter ke mos yeven a esta situasyon, devemos de topar ken semos, i devemos de apareser komo semos.
