En el empesijo del mez de disiembre, los djudyos fyestan el festival de las luzes.
El nombre de este festival es HANUKA.
Este anyo asendimos la primera kandela el 14/12/2025, alhad la noche.
En ebreo HANUKA kijo dizir konsakrar de muevo.
El mez de disiembre no es solamente la fin del anyo, es en mizmo tyempo un mez ke abrasa las selebrasyones de las tres relijyones kon sus propios rituales. Las kandelas de Hanuka, las kampanas de Noel, i los fuegos artifisyales del anyo muevo.
Esto es un egzempyo ke mos mostra ke, mizmo si aze inyeve i es yelado en invyerno, muestros korasones pueden inchirsen de luz.
El mesaje de Hanuka del Gran Rabino
Rav. David Sivi: Keridos Korelijyonaryos,
Este anyo las kandelas de Hanuka ke vamos a asender durante ocho dias empesando el 14.12.2025, espero ke illumine muestras almas, muestras kazas, muestro mundo i vos felisito sinseramente a todos.
Komo todos lo savemos, Hanuka se selebra aze 22 siglos en onor de muestra fe monoteista,
Mi kamoha BaelimAd.
Hanuka es una fyesta importante ke selebramos en la memorya del milagro del final de la lucha del
Movimyento Macabeo.
Hanuka, la Fyesta de las Luzes es un periodo kuando la luz i la illuminasyon, la siensya, la liberta i la djustisya, las valores las mas emportantes ke mos azen umanos, alelumbre todas las kulturas a lo largo de la istorya de la sivilizasyon.
Hanuka, de muestra perspektiva, tambyen evoka la kontinuidad de estas virtudes i vos envito a illuminar la eskuridad en todo modo de espasyo kon las 44 kandelas ke vamos a asender durante estas ocho noches.
Hanuka Sameah.
El Gran Rabino
Rav. David Sivi.
El espiritu de Hanuka:
Estos elementos de la natura stimulan una lucha interna ke es un katalizador para superar muestro espanto de la eskuridad, muestra desesperasyon en la noche i la atraksyon ke tenemos verso lo negro. Krearemos una luz para muestros problemes.
Hanuka, es la baza de la ermozura verdadera.
Hanuka no es el Noel djudyo.
Hanuka reprezenta la viktorya de la spiritualidad sovre el materyalizmo i la obsesyon por todo lo ke briya.
Las lisyones de Hanuka:
