En las tierras de Israel ay dos lagos: El uno tiene sus aguas dulses i pishkados bivos. Sus bodres estan yenos de yervas vedres. Los arvoles espanden sus ramos sovre el lago i echan sus raizes en las aguas saludozas. En los bodres de este lago, komo en los tiempos de la Biblia, las kriyaturas djugan. El rio Yarden, traye la agua limpya de las montanyas a este lago. La djente izieron kazas serka de estas rivieras, los pasharos azen aki sus nidos i todos los animales son kontentes de morar aki.
El rio Yarden korre verso el sud i se echa a otro lago. Aki no ay sinyal de pishkado, ni una oja se meneya, los pasharos no kantan, las kriyaturas no riyen. Los viyajadores toman un otro kamino. Sovre la agua ay un ayre pezgado, i el ombre, el animal i el pasharo no beven de sus aguas.
Ke grande diferensya ay entre estos dos lagos ke no estan muy leshos el uno del otro? De ande viene?
El yerro no es en el rio Yarden. El echa sus aguas en los dos lagos. Ni es la tierra ke los enserkla.
A la fin, la razon es esta: La Mar de Galilea toma las aguas del Yarden, ma no las guadra para si: por kada gota ke resive, desha salir otra gota de aryento de si.
El sigundo lago es mas desmudo. Kon avarisya guadra la agua ke le entra. No la desha ir. Retiene kada gota ke rezerve.
La mar de Galilea da. I por esto es yamada La Mar De La Vida. El sigundo lago no da nada i la djente lo yaman “La Mar de la Muerte”.
En las tierras de Israel ay dos mares. I en el mundo ay dos tipos de ombres.
La fraza “ay dos tipos de ombres” es semboliko.
1- El tipo de ombres ke dan (komo la mar Galilea)
Ayuda a otros,
Partaja su saverisyo,
Aze buendades,
Tiene piyadad,
Transmete el bien ke resive,
Augmenta el amor i la jenerozidad,
Es komo un kanal de vida.
Este modo de personas dan vida al entorno. La djente se siente mas bien kon eyos, kresen i se alimentan emosyonalmente.
2- Los ke solamente toman (komo la mar Muerta)
Guadran todo lo ke rezerven para si,
No dan amor ni atansiyon,
Son serrados entre eyos,
Todo lo ke les yega les keda aryentro de eyos.
A la fin, el entorno de estos ombres se aze seko, las relasyones se emprovesen i la konfiyensa se piedre.
Ay una dicha ke dize: El ombre ke parte i da se multiplikara; i el ombre ke guadra i retiene emprovesera.
En rezumen: Los ke toman solo, se sekan,
Los ke dan, enfloresen.
