Syempre ay un detay importante en la istorya de la inondasyon, el Dio, da orden a Noah ke tomara syete pares de animales limpyos (tahor) i dos pares de animales impuros (tame). Esta diferensya no es solo un numero; es una saviduria divina, i una poderoza leson de las kozas de la vida. Los animales limpyos se tomaron en syete pares por dos razones prinsipales. La primera fue, ke Noah ofreseriya una ofrenda de aksyon de grasias a Dio, dospues de la inondasyon. Se puediyan sakrifikar animales limpyos, i el sakrifisyo de tan solo unas pares por parte de Noah puediya azer un peligro la supervivensya de la espesya. Tomar syete pares deve la posibilidad de ofreser korban sin riziko de despareser la espesya. La segunda razon es la alimentasion, la inondasyon fuerte paso munchas dias, i aviya nesesidad de mantener la vida de la famiya de Noah i de todos los animales aryento de la nave. Por esto aviya de tener bastante animales limpyos (tahor) para la alimentasyon durante todo el tyempo de la inondasyon.
Los animales impuros fueron tomados dos pares solamente para la reproduksyon i la kontinuasyon de sus espesyas. No eran de ser ofresidos para korban, ni para alimentasyon, por esto eran limitados. Aryento de esta istorya ay otrun mesaje muy ondo, el prensipo de la igualidad, i prensipo de pares. El Dio demanda a Noah ke tome los animales en pares, i esto se parese a la manera komo persona formado.
Muestros ojos, orejas, brasos, pyernas, los burakos de la nariz, los pumones, los rinyones ansi todo el puerpo es kreado en par. Por ke? Para ke si uno tyene
problema, el otro ke pueda kontinuar la fonksyon, los pares es la garantiya de la vida.
En la nave, los pares de animales servieron la mizma idea, asegurar la vida dospues
de la inondasyon. Todo esto mos amostra ke en la vida nada es koinsidensia.
Azer planes, mantener balansa i preparar para empesar de muevo, esto es lo ke mos ambezo la nave de Noah. Mezmo komo la vida.
Syempre alegre, i syempre kon esperansa.
