En el tiempo del grande Rey Federiko Segundo, el emperador del Sagrado Imperio Romano, demando:
Kuala es la lingua natural del ombre? Ke dizen los bebes, si dinguno les avla?
Para saver esto, el rey ordono ke enserren sinkuenta bebes en una kamareta aparte, sin madre, sin kudiador i sin dinguna avla umana. Era striktamente defendido de tener komunikasyon kon los bebes. Seya sentimental o seya vokal.
Las nurisas solamente les davan a komer i los alimpyavan, ma no les avlavan ni los miravan en los ojos.
El rey pensava ke si el ombre tiene una lingua de nasimyento, los bebes avlaran en ebreo, la lingua del Dio. Ma el rezultado fue muy triste. Despues de unos kuantos mezes, todos los bebes murieron.
Dingun bebe avlo, dinguno pudo dizir ni una sola palavra. Los puerpizikos de los bebes, sintieron la mankura del amor. I el “hipokampus” de sus meoyos les sinyalo ke no los keren en el mundo.
A la fin de esta eksperiensa, no se pudo ambezar el orijen de las linguas ma se ambezo ke lo ke mas nesesita el ombre es amor i afeksyon.
