La importansa de las Vitaminas:
Las vitaminas son kompozisyones organikas ke el puerpo tiene de menester para funksyonar bien. No dan enerjiya direkta, ma ayudan para ke el puerpo krea enerjiya i mantenga la salud. Kuando el ombre no toma bastantes vitaminas, pueden tener munchas enfermedades.
Kategoriyas de Vitaminas:
1- Vitaminas ke se dizolven en la azete: A, D, E, K
Vitamina A: Importante para los ojos, el kuero i el sistem de defensa. Se topa en la azete de pishkado, la leche, la safanorya i la espinaka.
Vitamina D: Fuerte para los ojos i la defensa del puerpo. El Sol es la mas grande orijin ma se topa en pishkados i guevos.
Vitamina E: Defende las selulas kontra los danyos. Se topa en la azete vejetala, las avianas i las almendras.
Vitamina K: Ayuda a ke la sangre se koagule. Se topa en verduras de ojas vedres.
2-Vitaminas ke se dizolven en la agua: B, C
Vitaminas del grupo B: Importante para el sistem nerviozo, la enerjiya i el metabolizmo. Se topan en sereales, karnes, leches i legumbres.
Vitamina C: enfortese la defensa, ayuda a sanar las firidas. Se topa en frutas i verduras freskas, espesialmente en las ke son agras.
Manko de vitaminas: Traye kanserya, defensa flaka, problemes de vista.
Ekseso de vitaminas: En espesial las ke se dizolven en azete, pueden ser danyozas si se toman demaziya. Por esto no es bueno de tomar suplementos sin konsejo mediko.
Konkluzion:
Las vitaminas son neseserias para una vida sana. Lo mas bueno es komer de todo un poko: frutas, vedruras, granos, sereales, karne i leche, para tomar las vitaminas natural.
Oy en diya munchas kozas ke komemos no son tan naturalas komo antes. Se azen en fabrikas kon aditivos i konservas. Por esto es difisil de konfiyarse en eyos.
Lo mas bueno es merkar frutas i vedruras freskas de lugar konfiyado. I estos lugares son los bostanes ke agora mas no se topan fasilmente. Meldar las etiketas para ver lo ke tienen aryento. En las etiketas eskrive la data de ekspirasyon. Kuando la meldamos kale ke meldemos kuando es ke salio al merkado. Si kedo muy largo tiempo en su ambalaje. El puerpo tiene de menester komida natural ma tenemos ke ambezar a eskojer kon atansyon.
