A los kavos del siglo XIX, un marido i mujer abashan de un treno a Boston para vijitar la Universidad de Harvard. Estan un poko mal vistidos. La mujer yeva un fostaniko de ropa de koton un poko deskolorado del sol i el ombre un pantalon kon una djaketa byen vyeja.
Se van allado de la sekretaria ma la sekreter los ve tan mal vistidos i sin ser envitados, pensa ke no tenerian dariaver kon esta universita muy popular.
El ombre kon muncho respekto le dize a la sektreter:
“Mozos keremos avlar kon el prezidente.”
La sekreter kon una boz alta le responde:
“Esta muy okupado.”
La mujer le dize, “Asperaremos ke eskape su echo.”
La sekreter los desha asperar oras i oras kon esperansa ke se van a ir. Ma eyos kon kalmo asperan. La sekreter mira ke estan insistientes, desida de remitirlos al prezidente.
El rektor los aresive i de vista la mujer empesa a avlar.
“Mi ijo meldo un anyo en esta universitad i durante su estudyo estava muy kontente i orozo. Ma malorozamente peryo su vida en un aksidente, mozos keremos azer una koza en su memoria”.
El rektor kon inyervos les responde:
No puedemos azer una statua para kada elevo ke muryo, dospues muestro kampus se aze un semiteryo. Vozos ya savesh kuanto vale este lugar? Solo para fraguarlo gastimos mas de syete milyones de dolares.”
“Mozos no keremos una statua sinyor; mozos pensamos azer un dono para un edifisyo a Harvard.”
El rektor keda enkantado; de vista la mujer le dize al marido:
“Kerido! Fondar una universita es este karar de barato? Alora deke no fondamos muestra Universitad”?
Sin ke de repuesta el rektor, se alevantan i salen de la kamareta.
Este marido i mujer se nombran LELAND i JANE STANFORD.
Dospues de dos tres anyos, fondaron la Universitad de Stanford en Kalifornia en memoria de sus ijo presyozo.
Oy, la Universitad de Stanford kon Harvard son dos de las mas prestijiozas del mundo.
Alora esta eskrita mos da una buena lisyon ke no kale djuzgar a dingunos por sus aparensias.
