Los judios tienen reputasion por ser muy rikos. Kualas son las razones prensipales?
No permetian a los judios evropeanos de posedar tierras. Por esta razon, empesaron a okuparsen kon la banka i kon emprestar paras. En emprestando paras kon entereso, los judios satisfazian los menesteres finansarios de los kristianos. Ansi pudieron dominar en esta area. Avrieron sus propias bankas, i empesaron a realizar varias transaksiones bankarias.
Una otra razon es la diskriminasion. La diskriminasion los aserko unos a los otros, esto les permetio de kreser komo komunidad. Puedieron developarsen i empesaron a okuparsen kon aktividades mas entelektuales komo la medisina, las matematikas, la literatura i la muzika. Los atamientos komunitarios kontinuaron a kreser, i esto kavzo a ayudarsen. Los kristianos kreian ke emprestar paras kon entereso era pekado. Esto les dio a los judios un grande avantaj. Los judios kreian ke la rikeza en la tierra era para ke todos se la gozen. Savian ke el lavoro duro era menester para alkansar la reushita. El Dio les ordono de dar el 10% de sus revenido a ovras de karidad. En la komunidad judia, los ke no son mazalozos no son ekskluidos, al kontraryo, son abrasados i apoyados. Se ayudan unos a los otros i partajan sus rikeza. Kuando los ke eran proves empesan a tener eksito, empesan a ayudar a los ke son proves. Esto krea un siklo de reushita i prosperidad.
Otro elemento emportante es la edukasion. Segun el Pew Research Center, en un estudio demografiko, los judios son el grupo relijiozo el mas edukado del mundo. Alkansar a una edukasion superior, avre kamino a mijores oportunidades i salarios mas altos. A las kreaturas, les ambezan ke tienen menester una buena edukasion para ke puedan engrandesersen kon una konsiensia de la emportansia i la valor de las paras. Las tradisiones se transmeten komo gastamos muestras paras. Las kreaturas ven a lo ke damos valor. Kale ke pagemos a lo ke damos valor. Las kreaturas deven obzervar el kondukto de los padres a las paras. Kuando ven ke una parte de sus revenidos se da a la karidad, esto les ambeza a adoptar valores similares. Las kreaturas ven ke las paras son un instrumento ke se puede emplear para alkansar varios objektivos. Los judíos son desididos i insistensios. Los ensenyamientos pratikos del judaizmo, malgrado las difikultades, malgrado la dolor i la trajedia, son un faktor emportante ke les permetio a prosperar i sovrebivir, durante jenerasiones. Todos savemos las persekusiones terrivles, ma sovrebivieron kada vez, i kontinuaron a konsantrarsen.
La tresera razon es el Networking. El judaízmo da muncha valor a las koneksiones interpersonales. Las koneksiones avren kamino a mas munchas oportunidades i a mas muncha rikeza. Los networkes judios siempre fueron bastante fuertes. Muncho tiempo antes, mezmo kuando las komunidades judias estavan dispersadas a grandes distansias, egzistían kanales kulturales de komunikasion. Aya tambien los unian las asemejansas, la lingua komun de la relijion, koneksiones komersiales, el komerso, ke es emportante para eyos. Munchas personas se sentran a la otra vida porke pensan ke aya van a resivir rekompensas ma en el judaizmo la rikeza, la salud i la reushita son regalos del Dio. Para los judios solo esta vida egziste. Todo lo ke keres, lo azes aki.
