Tu Be-Av, el dia del amor djudyo, tyempo de alegriya,
es una de las fyestas mas lindas ke tenemos en el kalendaryo ebreo. Esta fyesta se selebra sesh dias despues de Tisha be-av, ke es un dia kuando se komemora kon munchas trajedias, el dia el mas triste de los djudyos.
Tisha be-av se asosia kon la muerte de la jenerasyon del dezierto, la kaida de la sivdad antigua Betar, i mos akodra munchos akontesimyentos ke puediyan yevar a la dezaparisyon de muestro puevlo.
Tu Be-Av se relasyona kon el “amor gratuito”.
Tu Be-Av es el dia kuando Dio pardono i deklaro ke los djudyos, 40 anyos despues del dezierto, van a entrar a la Tierra Prometida.
Debasho el lunar en kinze, en los dias de enverano, Tu be-av es un dia de bodas, de seremonias i amor.
La fyesta se selebra kon kantikas de amor, rozas koloradas i bayles. Un festival de Amor en el sentro de Yerushalayim.
Las Murayas fueron la fuente de inspirasyon.
En el djudaizmo, el anyo djudyo eskapa kon una selebrasyon de amor, porke el djudaizmo da grande emportansa al amor en las relasyones.
En tu be-av, todas las mansevas i los mansevos se visten vistidos blankos, porke blanko es la kolor de la semplisidad. Esto kere dizir ke las valores materialistas no deven enfluensar los mansevos kuando van a eskojer una partenera. Los mansevos deven de mirar debasho de las valores superfisieles, antes de kazarsen.
Tu B’av no tyene munchos rituales relijyozos asosyados a su selebrasyon. La fyesta se puede entender de niveles diferentes.
El amor en la tradisyon djudiya, se konsidera uno de los pilares fondamentales para la konstruksyon de una sosyeta djusta i ekilibrada.
No se trata simplemente de un sentimyento pasajero u superfisyal, ma es emportante el bienestar i la felisita del otro.
Kerer byen a una persona es respektarlo, valorizar su individualidad kon todas sus buenas i negras kalidades.
Tu B’av mos envita a refleksyonar sovre el amor ke tenemos enverso el otro. Este amor deve de ser syempre en mozotros, porke no se puede tener amor al den frente, si no lo tenemos para si mizmo.
