Dizen ke kontrolamos las bankas. Dizen ke kontrolamos Hollywood. Dizen ke dominamos los medios. Dizen ke tenemos muncha influensa, muncho poder, muncho orgolyo. Ma nunka demandaron ‘Komo? Deke?’.
Vos eksplikare. Mos defendieron de posedar tierras, por esto mos ambezimos a bivir segun muestra mente. Mos defendieron el akseso a las profesiones, por esto mos izimos komersantes, akademikos, medikos i avokatos.
Muestro atamiento a la edukasion no viene del privilejio, ma de la ovligasion. De pueder sovrebivir. Kuando mos defendieron de entrar a las universidades, fondimos muestra propria yeshiva. La Tora fue muestra baza moral. El Talmud se konvertio en muestra formasion intelektual. Kuando se burlaron de mozotros por ser "amantes de los livros", empleyimos muestra sensya komo defensa. El insulto se konvertio en muestra armadura. En la Evropa medival, la iglesia defendio a los kristianos de emprestar paras kon entereso. Ma, los reyes tenian menester de paras, i algunos kalia ke lo izieran. Empesaron a emprestarsen de los judios. Empesaron a arebasharmos. Empesaron a aboresermos.
En los Estados Unidos, mos defendieron los lavoros "respektavles". Por esta razon, mos fuimos al oeste i ayudimos a inventar Hollywood, para iluzionar. Para kontar istorias. Para azer majia. Kuando las universidades de la Ivy League limitaron la akseptasion de judios, fondimos Brandeis. Kuando los opitales no kijeron akseptar medikos judios, fondimos Cedars-Sinai. Kuando las firmas de avokatos serraron sus puertas, avrimos Skadden y Wachtell. No teniyamos entision de dominar, solo keriyamos bivir.
Estash diziendo ke somos un trivo. Ma, todo tiempo tuvimos la intension de integrarmos. Trokimos muestros nombres. Mos kortimos las buklas. Abandonimos muestra fe. Ma kada vez ke mirimos a despareser, mos akodratesh ken semos. Por esta razon, mos enserrimos aryentro de mozotros. Mos apoyimos uno al otro.
Konstruizimos sinagogas kuando vuestros lugares de orasion estuvieron serrados para mozotros. Konstruimos ospitales kuando no eramos bienvenidos en los vuestros. Kuando dingunos no mos kijo, formimos grupos de defensa para defendermos. I kuando dingun paiz no mos kijo, konstruimos muestro proprio paiz.
Lo ke aboresesh es ke los judios agora tienen poder. Una bandiera. Una armada permanente. Un governo. Un nido. No keresh ke seygamos poderozos. No kolonizimos esta tierra; tornimos atras. Los judios bivieron en Yerushalayim, Hebron, Safed i Tiberia durante mas de 3000 anyos. Avlimos ebreo kuando el mundo mos disho ke mos olvidimos esta lingua. Izimos enfloreser el dezierto. Sekimos los pantanos, ensembrimos arvoles, arebivimos una lingua pedrida. Resivimos los sovrebivientes del Olokosto, los rusos i los etiopianos. Si, Israel es fuerte agora. Baruh Hashem. Porke un judio ke no es fuerte, es un judio muerto. La istoria mos ambezo: dingun rey, dingun papa, dingun prezidente puede salvarmos. No keremos dominar. Solo keremos bivir. Liberos. Kon orgulio. No sosh ovligados a kerermos bien. No sosh ovligados a estar dakordo kon mozotros. Ma nunka mas vash a pueder desidar si semos permetidos de egzistir.
