Tuve la okazyon de vijitar los paizes Baltikos ke son:
Lituania, Letonya, Estonya i Finlandiya.
La kapitala i en mizmo tyempo la mas grande sivdad de
Lituanya es Vilna (Vilnius), ke fue eskojida La Kapitala Kulturala de la Evropa en el anyo 2009.
La parte Antigua de la sivdad esta inkluida en la Lista del Patrimonio. El puevlo es un milion, el 60% son Lituanos, el 20% son Rusos.
Despues entrimos de la Puerta de la Madrugada, echa en los anyos 1520 para pueder protejar esta sivdad. Enriva la puerta ay la fotografia de la Virgen Maria.
La sivdad de Trakai es 45 puntos de Vilnius kon treno u otobus. Esta sivdad tyene una istorya muy enteresante.
Los Karayes turkos ke son una minorita djudiya biven en este sentro. Ay 600 anyos ke biven aki i son emportantes para esta rejyon.
Este grupo tyene una kultura unika, kon rituales ke diferan de los de la relijyon djudiya. Lo yaman al Dyo Todo Poderozo, TENGRI.
Malorozamente se estan diminuando.
El kastiyo de Trakai es el punto el mas emportante de la sivdad. Los ke biven aki azen piknikes i entran al Lago Galia.
Despues de Vilnius, vijitimos Letonia.
En Letonia en la sivdad Riga, vijitimos la sinagoga PEITAV SHUL de la komunidad djudiya ortodoksa. Esta sinagoga se konstruyo en el estilo Art Nouveau i se kompleto en el anyo 1905.
Fue destruida por los nazis i en 1941; se derroko parsyalmente.
La sinagoga se utilizo para eventos no relijyozos durante la segunda gerra mondial. Rezulto munchos danyos en los bombardeos de 1998, fue restorada i reavyerta en 2009.
Es el sentro de la komunidad djudiya letonyana i es rekonosida komo monumento arkitektonika de emportansya nasyonal por el governo Leton.
LA ISTORYA: Debasho el rejim sovyetiko, la sinagoga era una de las pokas sinagogas de la Union Sovietika a las ke se les permetyo de estar avyertas. La restorasyon de la sinagoga se kompleto en 2009, parsiyalmente finansado por la Union Evropea i el Governo Leton.
A la seremoniya de avyertura asistyeron el Prezidente de Letonya, el primer Ministro i el Ministro de la Diaspora de Israel.
Puedemos ver en Riga, una arshitektura empresyonante medieval, kayes istorikas en kaskos antiguos kon trotuares albanezes, kafeteryas i sityos del patrimonio mondial, parkos vedres.
RIGA es una de las mas grandes sivdades de la area Baltica. En la istorya era un porto emportante i un sentro komersyal.
TALLINN es la kapitala de la Estonya. Es un paiz chiko. Tyene solamente 1.5 milyon de abitantes. En mizmo tyempo Talliin es la kapitala de finansas, industria i de kultura.
Estonya es el primer paiz ke abandono la Union Sovietika i gano su independensya en el anyo 1991. El paiz es miembro de la unyon Evropea i de Schengen. El 50% de su tyerra es kuvyerta de sharas i en el 22% se aze la agrikultura.
El byervo TALLINN kijo dizir: La sivdad Danesa (Danimarka).
El transporto publiko es de baldes, es una sivdad chika. Kon una bisikleta se puede pasear la sivdad entera.
Los invyernos son muy yelados, en enverano se puede azer vakansas en el bodre de la mar.
Tallinn kon su istorya, kon sus misteryos, kon su naturaleza unika i kon sus tradisyones i kostumbres es una de las mas ermozas sivdades de los Baltikos.
