Los sientifikos deskuvrieron una de las mas misteriozas, i fasinantes jenetikas de la istoria de la umanidad. Los sientífikos konfirmaron lo ke los istorianos i antropologos sospecharon durante anyos. No emporta ande biven las komunidades judias, (sea en Evropa, Oriente Medio, el norte de Afrika o la India), estas komunidades tienen una fuerte koneksion jenetika.
Ma, komo es esto posivle, porke estas komunidades estuvieron dispersadas en el mundo entero durante siglos? La respuesta se enkontra en una koza yamada "el efekto fondador". Pensaremos de esta manera: Imajinaremos ke somos un grupo chiko de personas ke se separaron de una komunidad mas grande i bivieron solos durante jenerasiones, porke se estuvieron kazando entre eyos. Sus karakteriktikas jenetikas unikas se kondensaron mas muncho kon tiempo. Kon tiempo, esto es egzaktamente lo ke afito en las populasiones judias en la istoria, empesando de la antigua Babilonia asta la Evropa medival i el norte de Afrika.
Las komunidades judias bivian en grupos muy unidos, muy ralo se kazavan kon personas de afuera. Estas karakteristikas jenetikas tienen avantajes, tambien riskos. Esta ekstraordinaria analiza jenetika revelo ke kaje la mitad de todos los judios ke biven oy en dia, desendieron de solo kuatro mujeres judias ke bivieron antes unos 1000 anyos. Los jenes de estas mujeres se transmetieron de jenerasion en jenerasion, formando la kompozision jenetika de miliones de personas asta oy. Los sientífikos izieron este deskuvrimiento en estudiando el DNA, mitokondrial material jenetiko ke se transmete solo de madres a sus ijos. Esto sinyifika ke una persona ke esta biviendo oy, puede tener egzaktamente el mizmo DNA mitokondrial de un antepasado de antes mil anyos.
Ma, esto es solo una parte del misterio, porke en este DNA esta eskondido una koza mas sorprendente ke proviene de uno de los aspektos los mas kontroversal de la jenetika judia. Entre los karakteristikos eredados ay la intelijensia. Munchos estudios deskuvrieron ke los judios (en partikular los ashkenazis porke son mas nombrozos) tienen un koefisiente intelektual mas alto de las otras populasiones. Ma, malorozamente al lado de siertos jenes tanto buenos, ay tambien jenes malos ke se enfortesieron kon tiempo. Hazinuras de kanser son un rezultado direkto del "efekto fondador".
En el venten siglo, los nazis utilizaron argumentos sientifikos falsos para afirmar ke los judios eran biolojikamente diferentes de una manera negativa, i sostenieron esta idea. Ke los judios eran jenetikamente inferiores, ke eran una amenaza para la sosiedad. Amostraron esto komo ekskuza para justifikar la diskriminasion. No era siensia real, era propaganda para desumanizar un grupo entero de personas.
Malorozamente, la djente miraron a distorsionar la siensia para adaptarla a sus propios predjudisios i la jenetika judia fue uno de sus prensipales objetivos en el venten siglo.
Oy en dia, ay personas ke dizen ke los judios tienen un tipo de jenetika ke les da kontrol sovre las finansas globales. Dizen ke munchas personas ke tienen sukseso en la banka, la akademia i la siensia deve de ser jenetiko.
La verdad es ke el sukseso no se trata solo de la intelijensia ke viene del DNA. El sukseso se trata de la kultura, la edukasion i la oportunidad. Las sosiedades judias dan emportansa al estudio, a la reziliensia i a la adaptabilidad. La jenetika solo puede kontribuir al sukseso en chikas maneras.
