La MADRE es el korason de la famiya. Tyene i da a su famiya un amor inkondisyonel.
El dia de las madres es konsiderado komo la fyesta la mas emportante del anyo porke tyenen una kultura formidavle, para amenajar a toda la famiya.
Unas kuantas frazes para eksplikar el amor de las madres.
- Madre kerida kuando te ayudo una vez, tu me ayudas ocho vezes. Mersi muncho.
- De kuando yo nasi, tu sos la persona la mas espesyal en mi vida. Grasyas por estar a mi lado.
- Sos la luz briyante de muestra famiya.
- No ay palavras sufizientes para agradeserte por todo lo ke azes por la famiya.
- Sos la konsejera i una mujer egzemplar.
- Ser madre i lavorar dia entero kere una fuersa espesyal.
- El Dio no puediya estar en todas las partes a la vez. Por esto kreo a las madres.
- La vida no vyene kon un manual, vyene kon una madre.
- De todos los regalos ke la vida tyene ke dar, una buena madre es el mas grande de todos.
- Tengo la shans de tenerte komo madre amoroza, luchadora, alegre i apiadoza. Son munchas kalidades ke tyenes, ma todo se rezume en una sola palavra. Es el AMOR.
- Madre es una palavra kurta i yena de sinyifikasyon.
- Ser madre es luchar, rezistir fina la fin.
- Yorar i riyir de alegriya, djugar i lavorar, kon u sin ganas, ma syempre kon el mizmo objektivo.
- Madre es madre para sus ijos.
- Kada momento, todo lo ke bivimos kon eyas mos ensenya a ser mijores personas.
- El amor de madre es el impulso ke le permite a un ser umano, ayegar a lo imposible.
- Una madre es komo una Maripoza delikada i transformadora.
- Las madres son la luz ke iluminan el kamino de vida de sus keridos.
- La madre es una luz en la eskuridad.
- El amor i la pasensya infinita de la madre son un trezoro. Es la persona la mas valutoza de la famiya.
- Es la persona ke syempre esta aryento de muestros korasones, i de muestros pensamyentos.
En todos los paizes del mundo este dia se fyesta en diferentes dias del mez de mayo. En Turkiya se fyesta el sigundo alhad de mayo.
El dia enternasyonal de la madre es un dia ke se selebra en el mundo para azer konsensya sovre la importansa i enfortaleser a las mujeres, en todos los espasyos, protejar sus derechos i garantizar a sus potansyeles.
Deke se fyesta el dia de la madre? Para amostrar gratitud i rekonosimyento a las madres por su amor i su apoyo konstante a lo largo de la vida.
Kerida madrezika (z"l), mizmo ke no estas allado de mi i no puedo abrasarte, syempre syento el abraso kayente de tu amor en mi korason.
Ke tu alma repoze en Ganeden, kon mi kerensya, mi muy kerida mama.
