ESTORIAS I PERASHIYOT (3)

Şeli GAON Judeo-Espanyol
29 Ocak 2025 Çarşamba

Keridos Lektores,

            Esto kontinuando a las perashas del livro de “Moris Levi”, ke las auno kon unas istoryas apropriadas a estas perashas.

VAYAKEL: Si no so para mi, ken es para mi?

                   Si so solo para mi, ken so yo?

                   I si no es agora, kuando?

PEKUDE: En oktobre del anyo 1941, Churchill, ke fue graduado de la eskola segondarya Harrow, fue a dar un diskorso a los estudyantes komo Primer Ministro graduado de la eskola. Suvyo al pupitro, i observo el publiko en silensyo, mirandolos kon una kara de mistru durante minutos.

Entonses, el solo disho i abasho del pupitro. (Nunka, nunka, nunka, nunka, no abandonesh. Nunka no abandonesh. Nunka no abandonesh. Nunka no abandonesh).

VAYIKRA: Dio de mozotros i de muestros antepasados,

no semos tan arrogantes, komo para afirmar ke semos personas djustas i ke nunka no pekimos.

Ya savemos ke tanto mozotros komo muestros antepasados pekimos. Abuzimos de la konfiensya i traisimos.
Izimos krueldad, izimos danyos a otros i los izimos sufrir.

Avlimos mintiras mizmo a mozotros, avlimos mal detras de la djente i los aborresimos. Los menospresimos, i mos burlimos de eyos.

Enganyimos los otros, i no vimos sus problemes. Fuimos kaprichiozos i tomimos lo ke meresiamos. Izimos negriguras i tiraniya. Semos salvajes i debiles.

TSAV: Ensenyale a oyir a todas las personas, ma ke todo lo ke dize pase por la verdad, i ensenyale a tomar solo las kozas buenas.

Si puedes azerlo, ensenyale a sonreir kuando esta mizmo triste. Ensenyale ke no ay verguensa en las lagrimas.

Ambezale ke venda su fuersa i su meoyo, al mijor ke va dar el presyo alto ma, ensenyale de no meter presyo a tu korason i a tu alma.

SHEMINI: Microsoft para anunsyar ke iva merkar Nokia ke fayito, organizo una Reunyon de prensa, ande avlo el CEO de Nokia Stephen Elop, i disho, “No izimos nada de yerrado ma, pedrimos de alguna manera”.

Despues de esta avla, todo el ekipo direktivo i el mizmo yoraron delantre de todos.

TAZRIA: Le demandaron a Diojen: Komo se entyende la entelijensya de un ombre?

Respondyo de una manera muy kurta: “De su avla” .

Le demandaron otruna demanda: “I ke pasa si el ombre no avla en absoluto?”
Diyojen se riyo: “Por oras no egziste una persona tan intelijente en el mundo”. 

METSORA: Mi madre kuando era chiko me kontava ke la yave de la vida es la felisidad.

Kuando me iva a la eskola, me demandaron: “Ke keres ser kuando seras grande?” Les respondi: “Kero ser feliz”. Me disheron ke no entendi la demanda.

I yo les dishe ke eyos no entendyeron nada.

AHARE MOT: Ma, los ojos estan siegos. En este kavzo deves de bushkar kon el korason.

EMOR: Savemos, ke una koza defendida, una kritika, un avizo malo se puede dizir kon elegansya si se dezea, i kon un poko de esforso.

Por egzempyo los inglezes preferan dizir: No Se Permete Fumar.

BEAR: Me ambezi ke…

             Lo ke importa no es lo ke vyene a la kavesa de las personas, sino ke lo ke azen en esta situasyon.

A kontinuar…

Siz de yorumunuzu yapın

Tüm Yorumları Görün