El omaje de la Fransia a las viktimas i rehenes de la Fransia del 7 Oktobre de Israel. La seremoniya grandioza tuvo lugar oy en Paris en Los Invalides kon un diskorso yeno de emosion del prezidente de Fransia, Macron kon la partisipasion de la guardya Republikana yevando kada miembro en sus brasos una grande fotografiya de los rehenes. El Kadish de Ravel djugado kon violon i la Orkestra de la Guardya Republikana fue un momento muy spesial i yeno de emosion segido por la komunita Judiya i paryentes de los rehenes. Esta Seremoniya fue amostrada en mizmo tyempo en Tel Aviv. Ofer Bronshtein, Prezidente del Forum Internasional izo komentaryos muy djustos al sujeto del Antisemitizmo. Hadas Kalderon, paryente de los rehenes dyo tambien sus komentaryos. La seremoniya se eskapo kon el Imno Nasional Fransez, La Marseillaise en (T V5).
Arogamos endjuntos por todos los desparesidos de esta Drama ke bivyo el mundo Judyo i por la fin de estas dezgrasias umanas.
